Mitsengo 14:33 - Tshwa Bible

³³ Zonake a vanana va nwina va ta nzulanzula lomu xiwuleni 40 wa malembe, na va kari va rwala a nanzu wa ku nga tsumbeki ka nwina, kala ku mbhela a zirumbi za nwina lomu xiwuleni.

Mitsengo 14:33 Mawu Ofanana

Tisimu 107:4

Va wa nzulanzula lomu xiwuleni laha ku nga hi na vanhu, A va kumangi muti wo tshama ka wona. Maheb. 11:38

Tisimu 107:40

Kanilezi loyi a chelako kusoleka ka tihosana, A ti pepetsekisa xiwuleni lomu ku nga hiko na ndlela, Isa. 40:23; Dan. 4:33

Tisimu 78:33

I lo va tsika, a masiku yabye ma mbhela hi leʼzi nga nyawuliko, Va mbheta malembe yabye hi kuchava.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Hosea 9:1

Israeli, u nga bhumi hi kutsaka khwatsi hi matiko; hakuva u fularele a Nungungulu wa wena wubhayini, u ranzile a nzhiho wa wubhayi matshanwini wontihe ya kuhula.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Mitsengo 33:38

Zonake laho mupristi Aroni i lo kanziha xitsungeni xa Hora, kotisa kuleletela ka Jehova, a ya fela leyo, hi lembe ga 40 ga kuhuma ka vanana va ka Israeli hi le tikweni ga Gipite, lomu ka hweti ya wuntlhanu, ka siku go sangula ga hweti. Deut. 10:6

Mitsengo 5:31

Ni wanuna a nga ta kuva ni nanzu, kanilezi a wasati i ta rwala a nanzu wakwe.

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Deuteronome 1:3

Makunu hi lembe ga 40, ka hweti ya 11, hi siku go ranga ga hweti, Mosi i lo hlawutela ka vanana va ka Israeli zontlhe lezi Jehova a mu leleteleko ku va byela.

Deuteronome 2:14

A masiku lawa hi nga famba kusukela Kadexe-Barnea kala a siku legi hi nga tlhatuka xicongwana xa Zerede ma wa hi 38 wa malembe, kala ku mbhela vontlhe vavanuna lomu wugovelweni va hlomako yimpi, kota lezi Jehova a hlambanyileko.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Deuteronome 29:5

Mina nzi mu rangele lomu xiwuleni 40 wa malembe; a tinguwo ta nwina a ti hlakalangi mimirini ya nwina, ni zilato za nwina a zi hlakalangi mikonzweni ya nwina;

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Deuteronome 8:4

A tinguwo ta wena a ti hlakalangi mirini wa wena, ni mikonzo ya wena a yi vimbangi lomu ka 40 wa malembe.

Joxua 14:10

Cuwuka, makunu Jehova i nzi hlayisile nzi hanya, khwatsi hi kuwula kakwe, lawa 45 wa malembe ma hunzileko, kusukela xikhati lexo Jehova a wulileko timhaka leti ka Mosi, na vaIsraeli na va ha fambafamba lomu xiwuleni; makunu mina nzi na ni 85 wa malembe.

Joxua 5:6

Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21