Mitsengo 14:3 - Tshwa Bible

³ Xana Jehova i hi nehele yini tikweni legi kasi hi tawa hi matlhari, ni lezaku a vasati va hina, ni vanhanyana va hina va ta khomiwa? A hi chukwana a kuva hi tlhelela Gipite ke?

Mitsengo 14:3 Mawu Ofanana

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Tisimu 78:40

Zikhati zingani va nga mu hluwuka xiwuleni, Va mu zwisa kubayisa lomu cuweni.

Eksodusi 16:3

A vanana va ka Israeli va te ngalo kabye: Ku wa hi chukwana ku ngha hi delwe hi canja ga Jehova le tikweni ga Gipite, na hi tshamile xikari ka timbita ta nyama, laho hi nga waga zibaba, hi xura. Makunu nwina mu hi humesile mu hi tisa ka lexi xiwula kasi mu fela ku daya vontlhe lava vanhu hi ndlala.

Eksodusi 5:21

Ngha Jehova a cuwuka ka nwina, a mu lamula, hakuva mu hi mahele a xixowo mahlweni ka Faro, ni mahlweni ka malanza yakwe; mu vekile a supado canjeni gabye kasi va fela ku hi daya.

Jeremia 42:14

muku; E, hi taya tikweni ga Gipite lomu hi to kala hi nga woni yimpi, ge hambu a kuzwa a guwa ga mpunzu, kutani kuzwa ndlala; hi lomo hi ta nga ya aka kona.

Jeremia 42:19

Jehova i mu byelile nwina misalela ya ka Juda, aku: Mu nga yeni Gipite! Tiveni lezaku nzi mu leletele nyamutlha lezi.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Mitsengo 11:20

kanilezi mu taga hweti yontlhe, yi kala yi huma hi lomu tinhovini ta nwina, mu swireka ha yona, hakuva nwina mu kanyisile Jehova loyi a nga xikari ka nwina, mu kala mu rila mahlweni kakwe, muku: Hi humele yini le Gipite ke?

Mitsengo 16:13

Kasi xilo xitsongwani lezi u hi humesileko tikweni legi gi khulungako a masi ni wulombe, u hi daya lomu xiwuleni, u engeta u ti maha hosi hehla ka hina ke?

Mitsengo 20:3

A vanhu va lo zangarela Mosi, vaku: Ku wa hi chukwana loku hi wa file ni vamakabye va hina lava va fileko mahlweni ka Jehova! Ekso. 16:2; 17:2

Mitsengo 21:5

Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Mitiro 7:39

Kanilezi a vakoko va hina va wa nga vumeli ku mu ingisa, va lo mu ala, va tlhelela Gipite hi timbilu tabye,

Deuteronome 1:39

Kasike a vanana va nwina, lava mu nga wula ha vona lezaku va ta khomiwa va maha tihloko, ni vana va nwina lava inyamutlha va nga tiviko kusaseka ni kubiha, hi vonake va ta nga enghena ka tiko lego; nzi ta va nyika gi maha tiko gabye.