Mitsengo 14:21 - Tshwa Bible

²¹ Kanilezi hakunene kota lezi nzi hanyako, a kungangamela ka Jehova ku ta tata misava yontlhe.

Mitsengo 14:21 Mawu Ofanana

Tisimu 57:6

Va dembile mitlhamu lahasi ka mikonzo ya mina; A muhefemulo wa mina wu koramile; Va nzi kelele rinzi, Vona wutsumbu va tlhela va wela ka gona. (Sela.)

Tisimu 72:19

A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 49:18

Tlakusa a mahlo ya wena u lunguza: Vontlhe va tsombene, vata ka wena! Khwatsi hilezi nzi hanyako, ku hlambanya Jehova, U ta ti bombisa ha vona khwatsi hi nguwo, U ti ambexa ha vona kota muswika.

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Jeremia 22:24

Khwatsi hi lezi nzi hanyako, ku wula Jehova, loku ku wo khwatsi Koma a nʼwana Jehoiakimu, hosi ya ka Juda, a wa hi phera yi mehelweko canjeni ga mina ga xinene, hambu zi hi tano ngha nzi mu konole kwalaho. Xiz. 8:6; Hag. 2:24

Ezekieli 18:3

Nza hlambanya hi kuhanya ka mina, ku wula Hosi Jehova, mu nga ta ha gi wula kambe lomu ka Israeli.

Ezekieli 20:36

Nzi ta maha na nwina kota lezi nzi nga maha ni vadadani va nwina lomu xiwuleni xa tiko ga Gipite, ku wula Hosi Jehova.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 33:27

U ta wula ka vona, uku: Hosi Jehova i ngalo: Nza hlambanya hi kuhanya ka mina, hizinene lava va akileko lomu marumbini va ta dawa hi supado, ni loye a nga lomu koveni nzi ta mu nyikela a khadamulwa hi zivanza, ni lava va nga lomu makhokholeni ni lomu timhakweni, va tafa hi ntungu.

Ezekieli 5:11

Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.

Habakuka 2:14

Hakuva a misava yi ta tala hi ku tiva a wukulu ga Jehova, kota lezi a kueta ka bimbi ku fenengetwako hi mati.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Mitsengo 14:28

U ta va byela ku ngalo: Kota lezi nzi hanyako, ku wula Jehova, nzi ta mu mahela kota lezi mu wulileko tindleveni ta mina.

Mateu 6:10

A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Deuteronome 32:40

Hakuva nza tlakusa canja ga mina tilweni, Nziku: Nzi loyi a hanyako kala kupinzuka!