Mitsengo 14:14 - Tshwa Bible

¹⁴ Na vona va ta byela a vaaki va tiko legi. Vona va zwile lezaku wena Jehova u tshama xikari ka lava vanhu, ni lezaku wena wa kombisa a nghohe ya wena, ni lezaku a refu ga wena gi tshama hehla kabye, ni lezaku laha hlikanhini u famba mahlweni kabye hi refu, ni laha wusikwini kambe u kona hi mhinga ya nzilo.

Mitsengo 14:14 Mawu Ofanana

Genesisi 32:30

Jakobe i lo chula a vito ga wutshamu lego ku Penueli; hakuva i te ngalo, Nzi wonile Nungungulu nghohe hi nghohe, hambu zi hi tano a wutomi ga mina gi lonzowotilwe.

Nehemia 9:12

Tlhatakumbiri, u lo va rangela hi mhinga ya refu ni hlikanhi, laha wusikwini u va rangela hi mhinga ya nzilo, kasi ku va woningela ndleleni leyi va faneleko ku famba ha yona.

Nehemia 9:19

kanilezi wena hi wuxinji ga wena go eta, a ku va tsikangi lomu xiwuleni. Laha hlikanhini a mhinga ya refu a yi tsikangi ku va rangela ndleleni yabye, ge hambu a mhinga ya nzilo a ku tsika ku va woninga a ndleleni leyi va nga wa fanele ku famba ha yona.

Tisimu 105:39

I lo andlala refu gi va fenengeta, Ni nzilo wo va woningela ni wusiku. Ekso. 13:21; 14:19

Tisimu 78:14

Ni hlikanhi i lo va rangela hi refu, Ni wusiku gontlhe hi kuwonekela ka nzilo. Ekso. 13:21

Eksodusi 15:14

A vamatiko loku va zi zwile va lo rurumela; A vaFilistia va lo telwa hi hlenekera;

Eksodusi 33:11

Jehova i lo tshama a wulawula na Mosi, na va cuwukene, khwatsi hi loku a munhu a wulawula ni xaka gakwe. Zonake Mosi i lo tlhelela wugovelweni; kanilezi Joxua a nʼwana wa Nuni, a nanza gakwe ga jaha, cima i wa nga suki lomu Tendeni.

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

Eksodusi 40:38

Hakuva a refu ga Jehova gi wa tshama hehla ka tabernakeli laha hlikanhini; zonake ni wusiku ku woninga a nzilo hi lomu refini mahlweni ka yontlhe a yindlu ya ka Israeli, lomu pfhumbeni gabye gontlhe. Deut. 1:33; Neh. 9:19; 1 Kor. 10:1

Mitsengo 10:34

A refu ga Jehova gi wa hi hehla kabye laha hlikanhini, a kusukeni kabye hi le wugovelweni.

Mitsengo 12:8

yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

1 Va le Korinte 13:12

Hakuva makunu hi wonisa lirambela, khwatsi hi laha wonini, kanilezi hi lexo xikhati hi ta wonana nghohe ni nghohe. Makunu nza tiva khihlanya ntsena, kanilezi hi lexo xikhati nzi ta tiva zontlhe kota lezi mina nzi tibyilweko hi kuteleko. Mat. 18:10; 2 Kor. 3:18; 5:7; 1 Joh. 3:2

Deuteronome 1:19

Loku hi sukile le Horebe, hi tsemakanya xontlhe xiwula lexi xa hombe xo tshisa, lexi mu xi wonileko; hi famba hi ndlela ya xitsunga xa maAmori, kota lezi Jehova Nungungulu wa hina a hi leleteleko, kala hi chikela Kadexe-Barnea.

Deuteronome 34:10

Cima a ku humangi a muprofeti lomu ka Israeli wa ku kota Mosi, loyi a nga tiva Jehova hi nghohe yakwe, Ekso. 33:11; Mitse. 12:8

Deuteronome 5:24

mu ta ku ngalo: Languta, Jehova Nungungulu wa hina i hi kombisile kungangamela kakwe ni wukulu gakwe, hi zwile a gezu gakwe gi huma lomu nzilweni; hi wonile nyamutlha lezaku Nungungulu a wulawula ni vanhu, ni vanhu va ha hanya.

Deuteronome 5:4

Jehova i wulawulile na nwina le xitsungeni na mu cuwukana zinwe naye, na a hi xikari ka nzilo;

Joxua 5:1

Na ku mahisile lezo laha a tihosi ta maAmori leti ti nga le Mupela-gambo wa Jordani, ni tihosi tontlhe ta maKanani, leti ti nga wa hi le mbhirini wa bimbi, na ti zwile lezaku Jehova i womisile a mati ya Jordani mahlweni ka vanana va ka Israeli, va kala va tlhatuka, a timbilu tabye ti lo nyeka, va tsemeka mihlana hi kota ya vanana va ka Israeli.

1 Johani 3:2

Varanzekako, makunu hina hi vana va Nungungulu; kanilezi a zi se ku wonekeliswa lezi hi ta ngava zona. Ha zi tiva lezaku loku yena a wonekeliswa, hi ta fanana naye; hakuva hi ta mu wona kota lezi a nga zona. Isa. 56:5; Rom. 8:18; Fil. 3:21