Mitsengo 11:16 - Tshwa Bible

¹⁶ Zonake Jehova aku ka Mosi: Nzi vitanele 70 wa masingalakati ya va ka Israeli, lava u va tivako lezaku hi vona tihloko ta vanhu, ni kuva madota ya ku xuxa timhaka; u va neha lomu tendeni ga mutlhangano, va ta ta yima laho zinwe na wena. Ekso. 18:25

Mitsengo 11:16 Mawu Ofanana

Genesisi 46:27

Makunu a vana va Josefa, lava va nga belekiwa le Gipite, va wa hi vambiri. Vontlhe vanhu va Jakobe lava va ngaya le Gipite, va wa hi 70 wa mihefemulo. Deut. 10:22; Miti. 7:14

Eksodusi 18:25

Makunu Mosi i lo hlawula xikari ka vanhu va ka Israeli vontlhe vavanuna lava va lulamileko, a va yimisa kuva tinduna ta vanhu. Ti lo maha tinduna ta mazanazana, ni ta mazana, ni ta ntlhanu wa makume, ni ta makume,

Eksodusi 24:1

Nungungulu aku ka Mosi: Kanziha ka Jehova, wena na Aroni, na Nadabi, na Abihu, ni masingalakati ya ka Israeli ya 70, mu ta khizama na ma ha hi kule.

Eksodusi 24:9

Zonake Mosi, na Aroni; na Nadabi, na Abihu, ni 70 wa masingalakati ya ka Israeli, va lo kanziha va ya wona Nungungulu wa ka Israeli.

Eksodusi 4:29

Zonake Mosi na Aroni va lo famba va ya tsombanyisa a masingalakati wontihe ya vanana va ka Israeli.

Jeremia 19:1

Jehova i te ngalo: Famba ka muwumbi u ya ti xavela a mbita ya wumba; zonake teka a masingalakati yo kari ya tiko ni ya vapristi,

Ezekieli 8:11

Ku wa yimile mahlweni ka zona a 70 wa vavanuna, a masingalakati ya yindlu ya ka Israeli. Xikari kabye ku wa yimile Jaazania nʼwana Xafani; a munwe ni munwani i wa hi ni xibya xa mpepo lomu canjeni gakwe, ni masema ya musi wa mpepo ma lo tuvikela hehla. 2 Tih. 22:3

Mitsengo 11:24

Zonake Mosi i lo huma a ya hlawutela vanhu a timhaka ta Jehova. I lo tsombanyisa a 70 wa masingalakati ya vanhu, a va yimisa va ranzela a Tenda.

Mitsengo 16:25

Zonake Mosi i lo vuka aya ka Datani na Abiramu; ni masingalakati ya ka Israeli ma lo mu lanzela.

Luka 10:1

Anzhako ka lezo, a Hosi yi lo yimisa a vanwani va 70 wa vapizani, yi va ruma ha vambiri vambiri mahlweni ka yona, a mitini yontlhe ni matlhelo wontihe laha a ta nga famba kona. Mat. 10:1; Mar. 6:7

Luka 10:17

Lava va 70 va lo wuya hi kutsaka, va taku: Hosi, hambu ni madimoni ma hi ingisa hi vito ga wena.

Deuteronome 1:15

Hikwalaho mina nzi tekile a madota lomu ka tinyangwa ta nwina, a vavanuna va kupima, va tibyiwako, nzi va yimisa hehla ka nwina a kuva tinduna ta 1,000, ni tinduna ta 100, ni tinduna ta 50, ni tinduna ta 10, kasi va maha vahlayisi lomu ka tinyangwa ta nwina.

Deuteronome 16:18

II ta yimisa Valamuli ni vatsali ka yontlhe miti leyi Jehova Nungungulu wa wena a ta nga ku nyika, hi tinyangwa ta wena; va ta lamula vanhu hi kululama.

Deuteronome 31:28

Tsombanyisani ka mina wontihe masingalakati ya tinyangwa ta nwina, ni tinduna ta nwina; nzi ta hlawutela leti timhaka lomu tindleveni tabye, nzi ta vitana matilo ni misava, a kuva vakustumunyu mahlweni kabye.