Mitsengo 10:10 - Tshwa Bible

¹⁰ Hambu masikwini ya nwina ya kutsaka, ni lomu mibuzweni ya nwina, ni kusanguleni ka hweti, mu taba mipunzu, na mu kari mu nyikela miphahlelo ya kuhiswa ni ya kubonga yi maha lezaku mu alakanyiwa mahlweni ka Nungungulu wa nwina. Hi mina Jehova, Nungungulu wa nwina. Va ka Israeli va andlamuka le Sinai.

Mitsengo 10:10 Mawu Ofanana

2 Tihosi 4:23

Yena i te ngalo: Na u yela yini kakwe inyamutlha? A hweti a yi se woneka, ni kambe a hi sabado. A wasati i te ngalo: Zi lulamile!

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

2 Kronekele 29:26

A vaLevi va lo yima na va hi ni wucenje ga Davida, a vapristi na va hi ni mipunzu.

2 Kronekele 29:28

Wontihe tlhangano wu lo khizama na ku kari ku yimbelelwa lisimu, na ku biwa mipunzu, zontlhe zi simama kala muphahlo wu mbhela.

2 Kronekele 7:6

A vapristi va lo yima matshanwini yabye yo tira mitiro yabye zinwe ni va ka Levi, na va angarele a timbila ti longiselweko Jehova, leti hosi Davida a nga wa ti mahele ku dumisa Jehova ha tona, vaku: Hakuva a wuxinji gakwe ga kala kupinzuka; laha Davida a nga wa dumisa ha tona Jehova. A vapristi va loba mipunzu na va cuwukene navo, vontlhe va ka Israeli na va yimile,

Ezra 3:10

Laha a vaaki va nga sangula ku aka a xiseketelo xa tempeli ya Jehova, a vapristi va lo yima laho na va ambele tinguwo tabye na va welele mipunzu, zinwe ni vaLevi, ni vana va Asafa, na va hi ni tingomana, va dumisa Jehova, va lanzela a zileletelo za Davida a hosi ya ka Israeli. 1 Kro. 16:4-6

Nehemia 12:35

ni vanwani va vana va vapristi na va hi ni mipunzu: Zekaria nʼwana Jonatani, nʼwana Xemaia, nʼwana Matania, nʼwana Mikaia, nʼwana Zakura, nʼwana Asafa;

Tisimu 150:3

Mu dumiseni hi mimpunzu. Mu dumiseni hi timbila ni xitende.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Tisimu 81:4

Hakuva xiyimiso xikari ka Israeli, A nayo wa Nungungulu wa Jakobe.

Tisimu 89:15

Gi katekile a tiko legi gi tivako a guwa ga litsako. Gi famba kuwonekeleni ka nghohe ya wena, Jehova. Mitse. 23:21

Eksodusi 28:29

Loku Aroni a enghena wutshanwini go basa, i ta rwala mavito ya vanana va ka Israeli laha xifuveni xakwe hi ngenge ya ku tsema timhaka, kasi xiva xialakanyiso xa kala kupinzuka mahlweni ka Jehova.

Eksodusi 30:16

U ta teka a mali ya nzhiho leyi yi humesilweko hi vanana va ka Israeli, u tira ha yona a ntiro wa tenda ga mutlhangano; xi tava xialakanyiso ka vanana va ka Israeli mahlweni ka Jehova, a ku maha a nzhiho wa wutomi ga nwina.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Levi 23:24

Byela vanana va ka Israeli, uku: Hi hweti ya wuntlhanu ni timbiri, hi siku go ranga ga hweti gi tava siku ga kuhumula, ximuse lexi xi ta nga tivekiswa hi kubiwa ka mimpunzu, hi ntlhangano wa kubasa.

Mitsengo 10:9

Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

Mitsengo 28:11

Kusanguleni ka hweti yinwe ni yinwani mu ta nyikela ka Jehova a munyikelo wa kuhiswa wa tinkuzi timbiri, ni hamba, ni 7 wa tihambana ta lembe ginwe a wukale, ti nga hiko na bawa;

Mitsengo 29:1

Hi hweti ya wuntlhanu ni timbiri ka siku go ranga ga hweti, mu tava ni mutlhangano wu basileko; mu nga tiri ntiro wo binza ha gona. Gi tava siku ga kuba mipunzu ya nwina. Levi 23:24

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Mitiro 10:4

I lo yi cuwukisisa hi kuchava, aku ngalo: Mahungu muni, Hosi? Yona yiku ngalo kakwe: A mikhongelo ya wena ni kuhana ka wena zi yile ziya maha xialakanyiso mahlweni ka Nungungulu. 2 Kro. 7:15; Tis. 65:2

1 Va le Korinte 15:52

hi xikhatanyana xo fanana ni kutsopeta ka tihlo, loku ku biwa a mpunzu wo gumesa; hakuva a mpunzu wu ta biwa, zonake a vafileko va ta vuka va nga ha boli kambe, na hina hi ta hunzuluswa xiyimo. Mat. 24:31

1 Va le Tesalonika 4:16

Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7

1 Va le Tesalonika 4:18

Hikwalaho tangalisanani hi leti timhaka.

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Joxua 6:4

A 7 wa vapristi va ta famba mahlweni ka nghaxa na va rwele 7 wa mipunzu yi vumako, hi siku ga wu 7 mu ta renzelekela a muti 7 wa zikhati, a vapristi na vaba mipunzu.

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

1 Samueli 20:5

Davida i te ngalo ka Jonatani: Manziko i hweti yiswa, nzi wa yimelwe hi ku tshama kugeni zinwe ni hosi; kanilezi nzi ta ya fihlala le masinwini kala ku chikela a siku ga wunharu laha gambyeni.