Mitsengo 1:53 - Tshwa Bible

⁵³ Kanilezi a vaLevi va ta gova kusuhani ni tabemakeli ga wumboni, va gi ranzela, kasi a zanga ya mina yi nga dzuki yi vukela a tlhangano wa vanana va ka Israeli; hikwalaho a vaLevi va ta hlayisa a tabemakeli ga wumboni.

Mitsengo 1:53 Mawu Ofanana

1 Kronekele 23:32

Va wa fanele ku hlayisa a tabemakeli ga mutlhangano, ni wutshamu go basa, ni ku vuna vanakulobye, a vana va ka Aroni, ntirweni wa yindlu ya Jehova. Mitse. 18:3

2 Kronekele 13:10

Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

2 Kronekele 13:11

Wontihe masiku, mixo ni gambo, va maha ka Jehova a munyikelo wa kuhiswa ni tibani to nuhela, va veka ni zibaba za xikombiso laha mezeni yi basileko, va lumeka tikandiya lomu timezeni ta tona ta nzalama wontihe masiku laha gambyeni, hakuva hina hi hlayisa a nayo wa Jehova Nungungulu wa hina; kanilezi nwina mu mu fularele.

Jeremia 23:15

Hikwalaho zakunghahi a wulako Jehova xungetano hi vaprofeti: Nzi ta va gisa manonwe ni ku va gisa wutsulu; Hakuva a kungabasi ku thapela tiko gontlhe Na ku huma hi ka vaprofeti va le Jerusalema.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Levi 10:6

Mosi aku ka Aroni, na Eliazare, na Itamare, vana va Aroni: Mu nga fununguli tihloko ta nwina, hambu ni ku hanzula tinguwo ta nwina, mu ngafa, mu neha a zanga hehla ka ntlhangano wontihe. Kanilezi a vamakabye va nwina, a yindlu ya ka Israeli, hi vona va ta nga rila hi kota ya nhova leyi yi hisilweko hi Jehova.

Mitsengo 1:50

Kanilezi u ta veka mandleni ya vanana va ka Levi a tabemakeli ga wumboni ni zontlhe zibya za gona, ni zontlhe lezi zi lumbako gona. Vona va ta rwala a tabemakeli ni nhunzu yontlhe ya gona; va tira a ntiro wa gona, ni lezaku va ta gova kusuhani ni tabemakeli va gi rinzela.

Mitsengo 1:54

Zinghaho a vanana va ka Israeli va lo maha zontlhe kota lezi Jehova a leleteleko ka Mosi; va lo maha zalezo.

Mitsengo 16:46

Zonake Mosi aku ka Aroni: Teka a xibya xa ku hisela a libani u oka a nzilo wa lomu ka alati, u vekela lomo a libani, u hatlisa uya xikari ka tlhangano, uya maha muphahlelo wa nzhiho; hakuva ku kona a zanga yi tako hi mahlweni ka Jehova, a ntungu wu sangulile.

Mitsengo 16:9

kasi xilo xitsongwani ka nwina, lezi Nungungulu wa ka Israeli a mu hlawulileko ka tlhangano wa va ka Israeli, a mu tshineta kusuhani ka yena kasi mu tira a ntiro wa yindlu ya Jehova, ni lezaku mu yima mahlweni ka tlhangano mu wu wulawulela ke?

Mitsengo 17:7

Zinghaho Mosi i lo veka tinhonga mahlweni ka Jehova, lomu tendeni ga wumboni.

Mitsengo 2:17

Zonake ku ta suka a tenda ga mutlhangano, a wugovelo ga vaLevi gi hi xikari ka magovelo manwani; lezi va govisako zona hi zalezo va ta nga sukisa zona, loyi ni loyi wutshanwini gakwe, hi mijeke yabye.

Mitsengo 3:23

A tinyangwa ta va ka Gerxoni ti wa gova hi lenzhako ka tabemakeli, hi tlhelo ga Mupela-gambo.

Mitsengo 3:29

A tinyangwa ta vana va Kohati ti wa gova hi tlhelweni ga tabemakeli, hi tlhelo ga le Dzongeni.

Mitsengo 3:35

A hosana ya tiyindlu ta tinyangwa ta ka Merari, hi Zurieli a nʼwana wa Abihaili. Vona va wa gova tlhelweni ga tabemakeli hi tlhelo ga Nwalungu.

Mitsengo 3:38

Kanilezi Mosi na Aroni ni vana vakwe va wa gova le mahlweni ka tabemakeli tlhelo ga Mutsuwuka-gambo, va hlayisela a vanana va ka Israeli a wutshamu ga kubasa; kanilezi a wamatiko loyi a tshinelako ka gona i ta dawa.

Mitsengo 31:30

Ka ziavelo za vanana va ka Israeli mu ta teka a hloko yinwe kada 50, lomu ka vanhu, ni ka tihomu, ni ka tiyivu, ni ka timbongola, zontlhe lezi zi hanyako mu ta zi nyika va ka Levi lava va hlayisako a tabemakeli ga Jehova.

Mitsengo 31:47

A ka khihlanya ga lezi za vanana va ka Israeli, Mosi i lo teka a xilo xinwe kada 50, lomu ka vanhu ni ka zifuyo, a nyikela ka vaLevi lava va hlayisako a tabemakeli ga Jehova, kota lezi Jehova a leleteleko Mosi.

Mitsengo 8:19

Hizinene nzi nyikele a vaLevi ka Aroni ni ka vana vakwe, a ku kasi va tira a ntiro wa vanana va ka Israeli lomu ka tenda ga mutlhangano, ni lezaku va maha a miphahlo ya minzhiho ya vanana va ka Israeli, kasi ku nga dzuki ku huma mhango xikari ka vanana va ka Israeli, laha na va tshinela kusuhani ka wutshamu ga kubasa.

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

1 Samueli 6:19

Jehova i lo lovisa nguvu a vanhu va le Beti-Xemexe, hakuva va lo cuwuka a arke ga Jehova. I lo lovisa 70 wa vanhu nzeni ka 50,000 wabye. A vanhu va loba nkosi hi lezi Jehova a nga hihiritile vanwani vabye.