Mitiro 9:31 - Tshwa Bible

³¹ Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Mitiro 9:31 Mawu Ofanana

1 Kronekele 22:18

aku ka tona: Jehova Nungungulu wa nwina a nga zinwe na nwina ke? A nga mu nyikangi kuhumula matlhelweni wontihe ke? Hakuva yena i nyikele mandleni ya mina vontlhe vaaki va tiko, makunu a tiko gi rulile mahlweni ka Jehova ni ka vanhu vakwe.

1 Kronekele 22:9

Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Nehemia 5:9

Nzi engeta nziku: Lezi mu zi mahako a hi zinene; mu fanele ku kombisa xichavo ka Nungungulu wa hina, kasi hi nga tseketselwi hi vamatiko, va nga valala va hina. Isa. 52:5; Ezek. 36:20; Rom. 2:24

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Tisimu 86:11

Jehova, nzi gonzise a ndlela ya wena, Nzi ta famba zineneni za wena; Maha mbilu ya mina yi chava vito ga wena.

Tisimu 94:13

Lezaku a rutisa masikwini ya zikarato, Kala a rinzi gi kelelwa loyi wakubiha.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 23:17

U nga vumeli a mbilu ya wena yi va ni makangwa hi za vaonhi; anilezi chava Jehova gontlhe siku.

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 33:6

Mu ta tshameka masikwini ya wena, A wutlhari ni wutivi gi ta vanga kuhanyiswa; Ni kuchava Jehova hi tshomba ya Zioni.

Zakaria 8:20

Jehova wa tiyimpi i ngalo: Ka ha tata laha a vanhu ni vaaki va miti yinyingi.

Mitiro 12:24

Kanilezi a mhaka ya Nungungulu yi lo anza yi hangalaka.

Mitiro 16:5

Zinghaho a mabandla ma lo tiyiswa kukholweni, ni ziro za wona zi engetelana masiku ni masiku.

Mitiro 2:47

na va bonga Nungungulu, va ranzeka ka vanhu vontlhe; masiku ni masiku a Hosi yi lo engetela ka handla hi lava va nga hanyisilwe. Rom. 14:18; 8:30

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Mitiro 5:11

A kuchava ka hombe ku lota hehla ka handla gontlhe, ni hehla ka vontlhe lava va nga zizwa lezi zilo.

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Mitiro 8:1

Na yena Saule i lo vumela ka kufa ka Stefani. Hi lego siku ku lo vuka a kuxaniswa ka hombe ko vukela handla legi gi nga hi Jerusalema; vontlhe va lo hangalaswa matikweni ya Judia ni le Samaria, ku sala a vapostoli ntsena. Xip. 7:58; 11:19

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Va le Roma 14:19

Hikwalaho a hi hloteni lezi zi vangako kurula, ni zilo lezi hi ta nga akana ha zona. Tis. 34:14; 1 Kor. 14:12

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

1 Va le Korinte 14:12

Zinghaho na nwina, kota lezi mu navelako a zinyikiwo za moya, lavani lezaku zi enzeleka ka nwina kasi a bandla ga vuneka.

1 Va le Korinte 14:26

Za kuyini ke, vamakabye? Laha na mu tsombana, munwe ni munwani wa nwina i na ni lisimu, kutani gonzo, kutani kuvululwa, kutani kuwulawula lirimi limbe, kutani kutlhamusela; ngha zontlhe lezi zi mahiwa kasi mu vunana. Rom. 14:19; Xip. 12:8, 9; 2 Kor. 2:19; Efe. 4:12

2 Va le Korinte 10:8

Hakuva hambu loku nzi ti dzunza hi kota ya ntamu wa hina, lowu a Hosi yi nga hi nyika wona kasi mu akiwa ha wona, na ku nga hi lezaku mu hahlulwa, mina nzi nga ta wiswa tingana;

2 Va le Korinte 12:19

Ma alakanya nwina muku xontlhe lexi xikhati ho maha makalavisa mahlweni ka nwina ke? Ahihi, hi wulawula mahlweni ka Nungungulu ni ka Kristu. Kanilezi varanzekako, zilo zontlhe zi mahiwa kasi ku mu vuna. Rom. 9:1; Xip. 5:12; 11:31; 1 Kor. 10:33

2 Va le Korinte 13:10

Hi kota ya lezo nzi tsala timhaka leti na nza hi kule, kasi loku nzi chikele nzi nga mahi hi lunya, kotisa a ntamu lowu a Hosi yi nga nzi nyika wona a kuva nzi aka, na ku nga hi ku khungumula. Tit. 1:13

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Va le Efesusi 4:12

kasi a vobasa va fela ku mbhelela ntirweni wa wurisi, ku akiwa a miri wa Kristu, 1 Kor. 14:26; Xip. 1:23; Kol. 1:24

Va le Efesusi 4:16

loyi a miri wakwe wontihe wu tlhanganyiswako khwatsi, ni ku tiyiswa hi xivuno lexi xi nyikwako hi xiro xinwe ni xinwani, wu kuma kukula hi ntamu lowu wu avelwako xiro xinwe ni xinwani, kasi wu akiwa hi liranzo. Kol. 2:19

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

Va le Efesusi 5:21

Ti koramiseni munwe ka munwani hi ku mu chava Kristu. Fil. 2:3

Deuteronome 12:10

Kanilezi loku mu tlhatukile Jordani mu ya aka a tikweni legi Jehova Nungungulu wa nwina a ta nga mu nyika a kuva tshomba ya nwina; ni loku a mu nyikile kuhumula valaleni vontlhe lava va mu ranzeleko, lezaku mu tshama kuruleni;

Va le Filipi 2:1

Hikwalaho loku ku hi kona a kutangaliswa ka Kristu, loku ku hi kona a kuchavelelwa ka liranzo, loku ku hi kona a kutlhangana ka Moya, loku ku hi kona wuxinji ni ku zwela wusiwana. 2 Kor. 13:14

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

1 Va le Tesalonika 5:11

Hikwalaho tiyisetanani, mu akana, kota lezi mu zi mahako.

1 Timote 1:4

ni lezaku va nga khataleli tikaringani ni ku lanzelela ziloso zi nga hetekiko, lezi zi vangako kukanetisana, loku ku nga vuniko a ntiro wa Nungungulu lowu wu nga wa kukholwa.

Maheberu 4:9

Hikwalaho ga ha va salele a sabado ga kuhumula a vanhu va Nungungulu.

Joxua 21:44

Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

Juda 1:20

Kanilezi nwina, varanzekako, ti akeni kukholweni ka nwina loku ku basileko, mu khongela hi Moya wa ku Basa; Kol. 2:7

Valamuli 3:30

Zinghaho va ka Moabi va lo khoziswa hi va ka Israeli a siku lego. A tiko gi lo humula 80 wa malembe.