Mitiro 8:22 - Tshwa Bible

²² Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

Mitiro 8:22 Mawu Ofanana

Mavingu 24:9

A maalakanyo ya wupumbu hi xionho; i mutseketseli manyalataniso vanhwini.

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Jona 1:6

Lezo a nwinyi wa taru i loya kakwe, aku kakwe: Hikuyini u etlelako wena? Vuka u khongela ka Nungungulu wa wena, kutani i ta hi alakanya kasi hi nga lovi.

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 8:20

Kanilezi Pedro aku ngalo kakwe: A mali ya wena a yi lobyiswe zinwe na wena, lezi u alakanyileko a ku kuma a xinyikiwo xa Nungungulu hi mali. 2 Tih. 5:16; Mat. 10:8; Xip. 2:38

Mitiro 9:11

A Hosi yiku ngalo kakwe: Vuka, uya phangweni legi gi vitwako, Go Lulama, u ya lava le ndlwini ya Juda a munhu loyi a vitwako Saule wa le Tarsusi; hakuva wa khongela. Xip. 21:39

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Maheberu 4:12

Hakuva a mhaka ya Nungungulu ya hanya, yi na ni ntamu, ya kariha ku hunza supado ya wutlha gimbiri, yi tlhava yi kala yi hambanyisa a muhefemulo ni moya, ni mahlakala ni mongo; yi hlola a maalakanyo ni mixuvo ya mbilu. Isa. 49:2; Efe. 6:17; Kuv. 1:16

Kuvululelwa 2:21

Nzi mu nyikile xikhati a kuva a hunzuluka, kanilezi a nga zi ranzi a ku hunzuluka kubhayeni kakwe. Rom. 2:4