Mitiro 7:25 - Tshwa Bible

²⁵ I lo alakanya lezaku a vamakabye vakwe va ta pima ha zona, lezaku Nungungulu i ta va tlhatlhisa hi canja gakwe, kanilezi a va zi pimangi.

Mitiro 7:25 Mawu Ofanana

2 Tihosi 5:1

Makunu Namani a nduna ya yimpi ya hosi ya le Siria i wa hi munhu wa hombe mahlweni ka hosi yakwe, a hi wo dzunzeka, hakuva Jehova i wa nyikile kuhlula ka maSiria ha yena. Na a ngha yena a hi wanuna wa nhenha, kanilezi na hi ni hlokonho.

Tisimu 106:7

A vadadani va hina a va khatalelangi zihlamaliso za wena le Gipite, A va alakanyangi a wuxinji ginyingi ga wena, Kanilezi va lo ku hluwuka le bimbini, gi nga Bimbi go Pswhuka.

Eksodusi 2:12

Yena i lo, cuwuka seno ni seno, a wona lezaku ku hava munhu, a si daya muGipite a mu tumbeta vunyeni.

Marku 9:32

Kanilezi a va pimangi mhaka leyi, va wa chavani ku mu wutisa.

Luka 18:34

A va pimangi nchumu timhakeni leti; a gezu legi gi wa fihlilwe ka vona, va kohlwa hi lezi a zi wulako. Mar. 9:32; Joh. 10:6; 12:16

Luka 9:45

Kanilezi a va pimangi a mhaka leyi, yi wa fihlakele kabye, kasi va fela ku kala va nga yi pimi; va lo chava a ku mu wutisa ha yona. Mar. 9:32; Xip. 2:50; 18:34

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Mitiro 15:4

Laha va nga wa chikele le Jerusalema, va lo amukelwa hi handla ni vapostoli ni masingalakati, va hlawutela zontlhe lezi Nungungulu a nga wa zi mahile ha vona.

Mitiro 15:7

Anzhako ka kuva na va xuxile nguvu, Pedro i lo suka, aku ngalo kabye: Vamakabye, nwina ma zi tiva lezaku kale Nungungulu na a nzi hlawulile xikari ka nwina, lezaku a vamatiko vazwa a mhaka ya ivangeli hi nomu wa mina, va kholwa.

Mitiro 21:19

Laha a nga va losetele, i lo hlawutela hi ku lanzelana zontlhe lezi Nungungulu a nga zi mahile xikari ka vamatiko hi kutira kakwe. Xip. 1:17; 15:4, 12; Rom. 15:18, 19

Mitiro 7:24

Na a wona munwe wa vona a kari a xaniswa, yena i lo mu vikela, a mu photela loyi a nga kari a xaniswa, a daya muGipite.

Mitiro 7:26

Hi siku gi gamelako i lota kabye na va kari va holova, a lava ku va lamula, aku: Madota, mu vamakabye; hi yini mu vukelanako ke?

Va le Roma 15:18

Hakuva nza chava ku wulawula hi nchumu, sine lezi Kristu a zi mahileko ha mina hi kukanela ni mitiro, lezaku a vamatiko va fela ku ingisa; Miti. 21:19; Xip. 1:5

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

1 Va le Korinte 3:9

Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

Va le Kolosi 1:29

Hizalezo nzi tirelako zona mina, na nzilwa khwatsi hi kutira ka ntamu wakwe lowu wu tirako nguvu ka mina.

Valamuli 15:12

Vona vaku kakwe: Hi tele ku ta ku boha hi ku nyikela ka maFilistia. Samsoni aku kabye: Hlambanyani lezaku nwina wutsumbu mu nga ta nzi daya.

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

1 Samueli 19:5

Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?