Mitiro 6:10 - Tshwa Bible

¹⁰ Va wa nga zi koti kulwa ni kutlhariha ni Moya lowu a nga wulawula ha wona. Isa. 54:17; Lu. 21:15

Mitiro 6:10 Mawu Ofanana

Joba 32:18

Hakuva nzi tele hi magezu, A moya wu nga nzeni ka mina wa nzi kurumeta.

Joba 32:8

Kanilezi ku na ni moya nzeni ka munhu; Ni kuhefemula ka Nyamintamu ku nyika kupimisisa.

Eksodusi 4:12

Wena famba, mina nzi tava ni nomu wa wena, nzi ku gonzisa lezi u ta nga zi wulawula.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Jeremia 15:20

Nzi ta ku maha uva khurisi ga suku a ka tiko legi; Va talwa na wena, kanilezi va nga ta ku hlula; Ihakuva mina nzi zinwe na wena, Kasi ku ku ponisa, ku wula Jehova.

Ezekieli 3:27

Kanilezi loku mina nzi wulawula na wena, nzi ta vulula a nomu wa wena, lezaku u zi kota kuva byela, uku: Hosi Jehova i wula lezi! Zonake loye a ranzako kuzwa ngha a ingisa, ni loye a nga ranziko kuzwa ngha a nga ingisi, hakuva va hi yindlu yi hluwukileko.

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Luka 1:17

Yena i ta ranga mahlweni kakwe hi moya ni ntamu wa Elija, a kuva a hunzulusa a timbilu ta vararu ka vana vabye, lava va hluwukileko a va tlhelisa wutlharini ga valulamileko; ni ku yi longisela Hosi a vanhu va longiselweko yona. Mal. 4:5; Mat. 11:14

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Johani 7:46

A vanyakasani va lo hlamula, vaku: Cima a ku wulawulangi munhu kota gaya. Mat. 7:29

Mitiro 5:39

kanilezi loku wu hi wa Nungungulu, mu nga ta zi kota ku va hlula; mu nga dzuka mu kumiwa mu kari muiwa na Nungungulu. Mat. 16:18; 1 Kor. 1:25; Fil. 1:28; Kuv. 17:14; Xip. 9:5

Mitiro 6:11

Zonake va lo kucetela a vanhu, lava va nga kungalo: Hina hi mu zwile ku wulawula tihlamba ha Mosi ni Nungungulu. Mat. 26:59

Mitiro 6:9

A vanwani va le sinagogeni gi vitwako Sinagoga ga vatlhatlhisilweko wukhumbini, ni va le Kirene, ni va le Alekzandria, ni va le Kilikia, ni va le Asia, va lo vuka va kanetana na Stefani.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

1 Va le Korinte 2:4

A kuwulawula ka mina ni kukanela ka mina ku wa nga hi na magezu ya wutlhari ma wongako, kanilezi ku lo tiyiswa hi Moya ni ntamu; 2 Ped. 1:16