Mitiro 5:4 - Tshwa Bible

⁴ A simu na gi nga se ku xavisiwa, gi wa nga hi ga wena ke? Anzhako na gi xabyisilwe a mali yi wa nga hi ya wena ke? Hikuyini u alakanyileko ku maha xilo xa kunghahi? A ku hembangi ka vanhu, kanilezi ka Nungungulu.

Mitiro 5:4 Mawu Ofanana

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

1 Kronekele 29:3

Tlhatakumbiri, hi kuranza ka mina a yindlu ya Nungungulu wa mina, lezi nzi nga nazo za nzalama ni siliva, lezi zi lumbako mina, nza zi nyikela a kuva ziva za yindlu ya Nungungulu wa mina, ahandle ka lezi nzi zi longiseleko a yindlu ya ku basa.

1 Kronekele 29:5

A nzalama yi tava ya lezi zi ta ngava za nzalama, ni siliva yi tava ya lezi zi ta ngava za siliva, ni za mitiro yontlhe ya mandla ya vatiri. Himani inyamutlha a ranzako ku nyikela ka Jehova a munyikelo wakwe ke? Ekso. 35:4

1 Kronekele 29:9

A vanhu va lo tsaka hi kunyikela kabye, hakuva va lo nyikela minyikelo yabye ka Jehova hi matsenya; hosi Davida i lo tsaka nguvu.

Joba 15:35

Va na ni nyimba ya kukhohlakala, va pswala kubiha, A pswalo wa kona hi kukanganyisa.

Tisimu 139:4

Hakuva a gezu na gi nga seva lirimini la mina, Jehova kale na u gi tivile.

Tisimu 7:14

Langutani, inaloyi wa lunwa hi kugoha, I na ni nyimba ya kukhohlakala, wa beleka mawunwa.

Eksodusi 16:8

Mosi i lo engeta kambe aku: Hakunene Jehova i ta mu nyika a nyama laha gambyeni muga, ni mixo i ta mu nyika a zibaba, mu taga mu xura; hakuva i zwile kubhonga ka nwina, kota lezi mu mu zangareleko. Hakuva hina hova cini? A mu zangarelangi hina, mu zangarele Jehova.

Eksodusi 35:29

A vanana vontlhe va ka Israeli, vavanuna kutani vavasati, vontlhe lava a timbilu tabye ti ranzako ku nyikela nchumu, kasi ku tira lezi Jehova a layeleko ha Mosi, va lo humesa hi matsenya a munyikelo ka Jehova.

Mutshawuteli 5:5

I chukwana lezaku u nga fungi, ku hunza ku maha xifungo u nga xi tatisi.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Ezekieli 38:10

Hosi Jehova i ngalo: Hi siku lego ku ta enghena maalakanyo mbilwini ya wena, u pola makungo yo biha;

Mitsengo 16:11

Hikwalaho mu tlhangene wena ni vanhu va wena vontlhe a kulwa na Jehova! Xana Aroni o va mani yena wo kala mu monya ha yena ke?

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Mitiro 5:3

Kanilezi Pedro aku ngalo: Ananiasi, hikuyini Satani a tatisileko a mbilu ya wena, lezaku u hemba wunwa ka Moya wa ku Basa, ni ku khweketa a xipanze xa mali ya simu ke? Mitse. 30:2; Deut. 23:21; Lu. 22:3; Joh. 8:44

Mitiro 5:9

Pedro aku ngalo kakwe: Hikuyini mu vumeleneko a ku ringa a Moya wa Hosi ke? Wangabye, a mikonzo ya lava va lahlileko a nuna wa wena yi laha nyangweni, na wena va ta ku rwala lahandle. Deut. 6:16; Mat. 4:7; Lu. 4:12; 1 Kor. 10:9

1 Va le Korinte 8:8

Kanilezi a zakuga a hi xilo hi nga tsakisako Nungungulu ha xona; loku hi ngagi, a hi lahlekelwi hi nchumu; hambu loku higa, a hi na chukwana wa nchumu.

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

Filemoni 1:14

Kanilezi nzi wa nga ranzi ku maha nchumu a handle ka ku vumelwa hi wena; kasi a wunene ga wena gi nga hi ga kukurumetwa, kanilezi giva ga kuranza ku tlhatlhekileko. 2 Kor. 9:7

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21

1 Samueli 8:7

Jehova i te ngalo ka Samueli: Ingisa timhaka tontlhe leto a vanhu va ku byelako, hakuva a va tsiki wena, kanilezi hi mina va nzi tsikileko, va nga ranzi lezaku nzi maha hosi yabye.