Mitiro 5:19 - Tshwa Bible

¹⁹ Kanilezi a ngelosi ya Hosi yi lo vulula a tivati ta paxo ni wusiku, yi va humesa, yiku: Tis. 34:7; Xip. 12:7; 16:26; Maheli. 1:14

Mitiro 5:19 Mawu Ofanana

Tisimu 146:7

Loyi a lamulelako lava va tsimbeketilweko, Loyi a gisako lava va nga ni ndlala. Jehova Wa tlhatlhisa lava va nga makhotsweni.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Mateu 1:24

Laha Josefa na vukile kuetleleni kakwe, i lo maha kota lezi a ngelosi ya Hosi yi nga mu laya; i lo teka sati wakwe, a mu yisa kaya kakwe.

Mateu 2:13

Makunu loku va sukile, a ngelosi ya Hosi yi lo woneka ka Josefa hi noro, yiku: Suka, u teka xihlangana ni nyine wa xona, u chavela Gipite, u ya tshama kona nzi kala nzi ku byela; hakuva Herodi i ta lava a xihlangana ku xi daya.

Mateu 2:19

Kanilezi laha Herodi na a file, e ngelosi ya Hosi yi lo woneka ka Josefa hi, noro le Gipite,

Mateu 28:2

Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. Lu. 24:4; Joh. 20:12

Luka 1:11

Zonake a ngelosi ya Hosi yi lo woneka ka Zakaria, na yi yimile hi tlhelo ga xinene ga alati ga ku hisela a libani; Ekso. 30:1

Luka 2:9

A ngelosi ya Hosi yi lo woneka ka vona, ni kungangamela ka Hosi ku lo va ranzela; va wa la su ncu hi kuchava.

Mitiro 10:3

Hi siku go kari i lo wona muwoniso hi hora ya wuntlhanu ni mune, a ngelosi ya Nungungulu na yi enghena ka yena, yiku ngalo kakwe: Korneliu!

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Mitiro 16:26

Hi xitshuketi xa lezo ku wa hi kona a kutsekatseka ka hombe ka misava, laha ka kuva ku tsekatsekiswa ni ziseketelo za yindlu ya paxo, ni tinyangwa tontlhe ti vululeka, ni ziboho za tontlhe tiperesu zi tlhatlheka, Xip. 4:31; 5:19; 12:7, 10

Mitiro 27:23

Hakuva a ngelosi ya Nungungulu loyi nzi nga wakwe, loyi nzi mu tirelako, yi lo woneka ka mina ni wusiku, Xip. 23:11; Rom. 1:9; 2 Tim. 1:3

Mitiro 8:26

Kanilezi a ngelosi ya Hosi yiku ngalo ka Filipu: Suka u famba le Dzongeni, hi ndlela leyi yi relelako hi le Jerusalema yiya le Gaza, leyi yi nga xiwula. Tis. 91:11