Mitiro 4:29 - Tshwa Bible

²⁹ Makunu, Hosi, cuwuka a kuhonoka kabye, u nyika malanza ya wena a ku kanela a mhaka ya wena hi kutiya kontlhe, Isa. 58:1; Ezek. 2:6; Xip. 19:8; Efe. 6:19

Mitiro 4:29 Mawu Ofanana

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Mikosi 3:50

Kala Jehova a cuwuka lahasi, A zi wona na hi le tilweni.

Mikosi 5:1

Jehova, alakanya lezi zi bi humeleko, Cuwukisisa a kurukatelwa ka hina.

Ezekieli 2:6

Na wena, nʼwana wa munhu, u nga va chavi, hambu ku dzuxwa hi timhaka tabye, hambu loku u hi xikari ka zigetlwani ni mizwa, kutani ku tshama lomu xikari ka tihume. U nga chavi kuwulawula kabye, u nga rurumeli hi tinghohe tabye, hambu lezi va nga va yindlu yi hluwukileko. Mika 7:4; Lu. 12:4; 1 Ped. 8:14

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 14:3

Ahemba-lezoke a vapostoli va lo tshama kona a xikhati xa hombe, va kanela hi kutiya hi Hosi; leyi yi nga kustumunyela a mhaka ya yona ya tipswalo hi ziwoniso ni zirewukiso zi nga mahiwa hi vona. Mar. 16:20; Rom. 15:19; Maheb. 2:4

Mitiro 19:8

Zonake Paule i lo enghena sinagogeni; tihweti tinharu i lo wulawula hi kutiya, a kanela ni ku va kholwisa hi timhaka ta mufumo wa Nungungulu. Xip. 1:3; 17:2; 18:4; 28:23

Mitiro 26:26

Wena hosi wa ti tiva khwatsi a timhaka leti nzi wulawulako ha tona hi kutlhatlheka; hakuva nza tsumba lezaku a ku kona ni yinwe ya tona u yi kohlwako; hakuva zontlhe lezi a zi mahiwangi wukumbini.

Mitiro 28:31

na a kanela hi mufumo wa Nungungulu, a gonzisa a timhaka ta Hosi Jesu Kristu hi kutiya kontlhe, na a nga tsimbetelwi hi munhu. Xip. 4:31; Efe. 6:19

Mitiro 4:13

Laha na va wonile a kutiya ka Pedro na Johani, na va tiva lezaku mbanhu va nga gonzangiko, va nga vanhu ntsena, va lo hlamala; zonake va lo va tiva, lezaku va wa hi zinwe na Jesu. Mat. 11:25; 1 Kor. 1:27

Mitiro 4:21

Zonake loku va va honokele, va lo va tsika; a va kumangi nchumu xa ku va tsayisa ha xona, hi kota ya vanhu; hakuva vanhu vontlhe va lo dumisa Nungungulu hi lezi zi mahilweko. Mat. 21:26; Lu. 20:6; 22:2; Xip. 3:7, 8

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Mitiro 9:27

Kanilezi Barnabasi i lo mu teka, a mu yisa ka vapostoli, a hlawutela ka vona hi ku yi wona kakwe a Hosi laha ndleleni, leyi yi nga wulawula naye; ni lezi a nga kanela hi ntamu hi vito ga Jesu le Damasku,

Mitiro 9:28

Zonake Saule i lo tshama navo Jerusalema, a enghena ni ku huma,

1 Va le Korinte 14:13

Hikwalaho ngha loyi a wulawulako a lirimi limbe a khongela kasi a fela ku zi kota ku tlhamusela. Xip. 12:1

2 Va le Korinte 3:12

Hikwalaho lezi hi nga ni kutsumba ka kunghahi, hi kanela hi kutiyahlana,

Va le Filipi 1:14

A linyingi la vamakabye le Hosini va tiyilehlana hi kota ya ziboho za mina, va tiyisa nguvu a ku kanela a mhaka ya Nungungulu na va nga chavi nchumu.

1 Va le Tesalonika 2:2

Kanilezi hambu lezi hi nga rangile hi xaniseka ni ku khonʼwa hi tingana le Filipi (kota lezi mu zi tivako), hi lo tiya-hlana ka Nungungulu wa hina, hi kanela ka nwina a ivangeli hi kulwa ka hombe. Miti. 16:22; 17:2

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9