Mitiro 4:28 - Tshwa Bible

²⁸ kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Mitiro 4:28 Mawu Ofanana

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

Joba 12:13

Nungungulu i na ni wutlhari ni ntamu, I na ni wusungukati ni kupimisisa.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 28:29

Lezo na zonawu zi huma hi ka Jehova wa tiyimpi, Loyi a nga ni makungo ma hlamalisako, ni wutlhari ga hombe.

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Isaya 40:13

Himani loyi a nga hlolako a moya wa Jehova? Himani a nga muha wusungukati, ni ku mu gonzisa.

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Mateu 26:54

Zonake yi ta tatiseka hikuyini a mitsalo, yi nge ngalo zi fanele ku maheka lezi ke? Isa. 53:7

Luka 22:22

Hakuva a Nʼwana wa munhu wa ti fambela, kota lezi ku yimisilweko; kanilezi i khombo ka munhu loyi a mu tokometako! Mat. 26:24; Miti. 2:23

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Maheberu 6:17

Hikwalaho laha Nungungulu a nga ranza ku kombisa ka zigatshomba lezaku a khungo gakwe hi legi gi nga hunzulukiko, i lo gi tiyisa hi kuhlambanya; Rom. 11:29; Xip. 11:9