Mitiro 28:21 - Tshwa Bible

²¹ Vona vaku ngalo ka yena: A hi amukelangi a mapapilo hi le Judia ma hlawutelako ha wena, ge ni munwe wa vamakabye a nga tangi ku ta bika kutani ku wulawula nchumu xa kubiha ha wena.

Mitiro 28:21 Mawu Ofanana

Eksodusi 11:7

Kanilezi ku nga tava kona a mbyana yi ta nga ahlama a nomu wa yona yi vukela a vanana va ka Israeli, hambu ni zifuyo, kasi mu fela ku tiva lezaku Jehova i hlawulile Israeli xikari ka vaGipite.

Isaya 41:11

Languta, vontlhe lava va ku zangareleko va tawa tingana, va hakaseka; Lava va holovako na wena va nga ta kuva nchumu, va ta lobyiswa.

Isaya 50:8

Loyi a nzi yimelako i kusuhi, Himani a ta nga nzi kecara? A hi yimeni zinwe! Himani muranisi wa mina? A tshinele kusuhani ka mina!

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Mitiro 22:5

A mupristi wa hombe wa zi kota ku nzi mahela wukustumunyu mhakeni leyi, zinwe ni hlengeletano yontlhe ya masingalakati; hakuva va lo nzi nyika a mapapilo ma tsalelweko a va ka hina le Damasku; zonake nzi loya kona a kuva nzi ya va boiia lava va nga hi leyo, nzi wuya navo le Jerusalema, kasi ku ta tsayiswa. Lu. 22:66; Xip. 4:5; 9:2

Mitiro 28:14

laha hi nga kuma kona vamakabye lava va nga hi kombela ku tshama navo ntlhanu wa masiku ni mambiri; zonake hi lo chikela le Roma.

Mitiro 3:17

Makunu vamakabye, nza zi tiva lezaku mu zi mahile hi kungativi, kota lezi va nga zi maha ni varangeli va nwina. Lu. 23:34; 1 Kor. 2:8

Va le Roma 9:3

Hakuva nzi wa ta ranza a kuva nzi rukatelwe mina wutsumbu, nzi hoxiwa ka Kristu, loku a vamakabye va mina va nga vuneka ha zona, lava va nga maxaka ya mina hi ka nyama. Ekso. 82:32