Mitiro 28:2 - Tshwa Bible

² A vaaki va kona va lo hi kombisa a wuxinji ga hombe; hakuva va lo dzivela nzilo, va hi amukela hontlhe, hakuva ku wa hi ni vula ni xirami.

Mitiro 28:2 Mawu Ofanana

Ezra 10:9

Zonake vontlhe a vavanuna va ka Juda, ni va ka Benjamini, va lo tsombana le Jerusalema nzeni ka masiku manharu, lomu ka hweti ya wu 9 hi siku ga 20. A vanhu vontlhe va lo tshama laha tsenzeleni, le mahlweni ka yindlu ya Nungungulu, na va rurumela hi kota ya mhaka leyo ni vula ya hombe.

Levi 19:18

U nga ti photeli, hambu ni ku tshama ni timbiti hi vanhu va ka nwina. Kanilezi u ta ranza wakelene na wena kota lezi u ti ranzako wena. Hi mina Jehova. Rom. 12:19; Gal. 5:14; Jak. 2:8

Levi 19:34

A muluveli loyi a akileko xikari ka nwina, i tava xisumbulwa, a maha munwe wa nwina; u ta mu ranza kota lezi u ti ranzako wena; hakuva nwinawu mu wa hi valuveli tikweni ga le Gipite. Hi mina Jehova, Nungungulu wa nwina.

Mateu 10:42

Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10

Johani 18:18

Ku wa yimile kwalaho a tikhumbi ni malanza, na va dzivele nzilo wa makhala; hakuva ku wa hi xirami; na yena Pedro kambe i wa yimile navo a wora nzilo.

Mitiro 27:3

Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16

Mitiro 28:3

Kanilezi laha Paule a nga wungeletele a mahlahla, a ma chela nzilweni, ku lo huma a nyoka hi kota ya kukufumela, yi namarela canjeni gakwe.

Mitiro 28:4

Laha a vaaki va tiko lego va nga wona a xihari xi lengalenga canjeni gakwe, vaku ngalo: Hakunene, munhu loyi mudayi, loyi hambu lezi a ponileko bimbini a Muphoti a nga mu vumeli lezaku a hanya.

Va le Roma 1:14

Nzi na ni nanzu ka vaGreki ni ka vanwani vamatiko, a ka vatlharihileko ni ka maphuphulu. Tis. 40:9; Mar. 8:38; 1 Kor. 9:16

Va le Roma 14:1

Amukelani loyi a nga ni gome kukholweni, kanilezi mu nga kanetisana naye timhakeni. 1 Kor. 8:9

Va le Roma 14:3

Ngha na loyi a gako zontlhe a nga mu kanyisi loyi a nga giko: ni loyi a nga giko zontlhe a nga mu lamuli loyi a gako; hakuva Nungungulu i mu amukele. Kol. 2:16

Va le Roma 2:27

Loyi a nga khuna hi kupswalwa, loku yena a hlayisa nayo, a nga ta ku kona wena loyi u hambunyetako nayo, hambu lezi u nga ni nayo wu tsalilweko, ni wukwera ke? Mat. 12:41

1 Va le Korinte 14:11

Kanilezi loku nzi nga tivi a magezu ya lirimi la kona, nzi tava wamatiko ka loyi a wulawulako, ni loyi a wulawulako i tava wamatiko ka mina.

2 Va le Korinte 11:27

Nzi wa hi ni mitiro yo tala ni kukarateka, nzi pileka zikhati zinyingi, nzi hi ni ndlala ni tora, nzi yila zakuga zikhati zinyingi, nzi xaniseka hi xirame ni wuna. 1 Kor. 4:11

Va le Kolosi 3:11

Laho a ku na muGreki ni muJuda, ni xitshiva ni khuna, ni wamatiko ni muSkite, a khumbi ni loyi a tlhatlhekileko; kanilezi Kristu hi yena zontlhe, i kona ka vontlhe. Gal. 3:28

Maheberu 13:2

Mu nga rivali ku amukela vafambi, hakuva hi ku maha lezo a vanwani va rurele tingelosi na va nga ti tivi. Gen. 19:2; Mat. 25:35