Mitiro 27:1 - Tshwa Bible

¹ Laha ku nga wa tsemilwe a kuva hiya Italia hi taru, va lo nyikela Paule ni tinwani tiperesu ka nduna ya zana yi tibyako Juliu, ya ntlawa wa ka Augustu. Xip. 25:12, 25

Mitiro 27:1 Mawu Ofanana

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

Tisimu 33:11

A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Mikosi 3:27

Zi sasekile akuva munhu a rwala Muyoka wakwe wusweni gakwe. Tis. 119:71; Mat. 11:29

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Luka 23:47

Laha a nduna ya zana yi nga wa wonile lezi zi mahekileko, yi lo dumisa Nungungulu, yiku: Hakunene, loyi i wa hi munhu a lulamileko. Mat. 27:54; Mar. 15:39

Luka 7:2

A nduna ya yimpi yi wa hi ni nanza legi gi nga ranzeka ka yona, kanilezi gi wa babya, gi hi kusuhi ni kufa.

Mitiro 10:1

Le Kesaria ku wa hi kona a munhu a nga hi Korneliu a vito gakwe, a nga hi nduna ya ntlawa wa zana ga masochwa, lowu wu vitwako wa Italia.

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 16:10

Laha a nga wonile a muwoniso, khalekhale hi lo hlota ndlela ya kuya le Makedonia, na hi pimile lezaku Nungungulu i hi vitanile ku ya kanela ivangeli kabye. Tis. 119:60; 2 Kor. 2:13

Mitiro 18:2

A ya kuma a muJuda a vitwako Akwila, a munhu wa le Pontu hi kupswalwa, na a ha kuta hi le Italia, zinwe ni sati wakwe Prisila, hakuva Klaudiu i wa layile lezaku a vaJuda vontlhe va suka le Roma. Paule i loya kabye, Rom. 10:3; 1 Kor. 16:19; 2 Tim. 4:19

Mitiro 19:21

Loku zi mahekile zontlhe lezo, Paule i lo xuva moyeni a ku tsemakanya Makedonia ni le Akaya, aya Jerusalema, aku: Anzhako ka kuva na nzi yile kona nzi fanele ku ya wona ni le Roma kambe. Rom. 15:24-28; Gal. 2:1; Xip. 18:21

Mitiro 21:32

Zonake yi lota ni masochwa ni tinduna ta mazana, yi tsutsuma yiya ka vona. Laha va nga yi wona a nduna ya hombe ya yimpi ni masochwa, va lo tsika kuba Paule.

Mitiro 22:26

Laha a nduna ya zana yi nga zi zwile, yi loya ka nduna ya hombe, yi ya yi byela yiku: Xana u lava ku maha yini ke? Hakuva munhu loyi muRoma.

Mitiro 23:11

Hi wusiku ga kona a Hosi yi lo tshinela kakwe, yiku ngalo: Tiya hlana; hakuva kota lezi u nga kustumunya ha mina laha Jerusalema, zinghaho u ta nzi kustumunyela ni le Roma. Tis. 46:1; Xip. 18:9; 27:23, 24

Mitiro 23:17

Paule i lo vitana yinwe ya tinduna ta mazana, aku ngalo: Heleketa jaha legi ka nduna ya hombe, hakuva gi na ni mhaka ku yi bikela.

Mitiro 24:23

I lo laya a nduna ya zana a kuva Paule a hlayisiwa khwatsi, ni ku kala ku nga tsimbetwi a maxaka yakwe a ku ta mu tirela. Xip. 27:3; 28:16

Mitiro 25:12

Zonake Festu laha a nga xuxile ni hubye, i lo hlamula, aku: Wena u yisile mhaka ka Kesari, u taya ka Kesari.

Mitiro 25:25

Kanilezi mina nzi lo kuma lezaku a nga mahangi nchumu xi faneleko kufa, kanilezi kota lezi a nga yisa mhaka yakwe ka hosi ya hombe, nzi xuvile ku mu rumela kona. Xip. 23:9, 29; 26:31

Mitiro 27:11

Kanilezi a nduna ya zana yi lo ingisa a mufambisi wa taru ni nwinyi wa gona, ku hunza lezi zi wulilweko hi Paule.

Mitiro 27:43

Kanilezi a nduna ya zana, na yi lava ku ponisa Paule, yi lo va beletela; yi laya lezaku lava va zi kotako ku hlambela, a va pfunwala lomu matini, va ranga vaya muhanzeni;

Mitiro 27:6

A nduna ya zana yi lo kuma kona a taru ga le Alekzandria, legi gi yako Italia; yi hi enghenisa ka gona.

Mitiro 28:1

Laha hi nga wa ponile, hi kona hi nga zi tiva lezaku a xihlale xi vitiwa Melita. Xip. 27:26

Mitiro 28:16

Laha hi nga chikela le Roma, Paule i lo vumelwa ku tshama yece, zinwe ni sochwa legi gi mu rinzelako. Xip. 24:25; 27:3

Maheberu 13:24

Rungulani vontlhe lava va mu rangelako, ni vobasa vontlhe. Lava va le Italia va mu rungula.