Mitiro 23:22 - Tshwa Bible

²² Lezo a nduna ya hombe yi lo fambisa a jaha, yi gi laya yiku: U nga byeli munhu lezaku u nzi byelile timhaka leti.

Mitiro 23:22 Mawu Ofanana

Mateu 10:5

Jesu i lo ruma lava va khume ni vambiri, a va laya, aku: Mu ngayi ka vamatiko, hambu ku enghena ka muti wa vaSamaria. 2 Tih. 17:24; Xip. 4:15

Marku 1:44

aku kakwe: U nga dzuki u wula nchumu ka munhu; kanilezi ti fambele, u ya ti wonisa ka mupristi, u ya nyikela hi kota ya kubasiswa ka wena lezi Mosi a nga zi laya, kasi giva wukustumunyu kabye. Levi 14:2-32; Lu. 5:14

Johani 18:12

Zonake a ntlawa lowu ni nduna ya wona, zinwe ni malanza ya vaJuda, va lo khoma Jesu, va mu boha.

Mitiro 23:21

Kanilezi u nga va vumeli; hakuva va mu xiyelele a 40 wa vavanuna va hlamusa, lava va hlambanyileko hi xifungo xaku va nga taga ge ni kunwa kala va mu daya Paule; va longile makunu, na va cuwukela a kutsumbisa ka wena ntsena.

Mitiro 23:23

Zonake yi lo vitana a tinduna timbiri ta mazana, yiku ngalo: Longisani 200 wa masochwa a kuya Kesaria hi hora ya wu 9 ya wusiku, zinwe ni 70 wa vamahaxi, ni 200 wa vamatlhari;

Joxua 2:14

Ni vavanuna va te ngalo kakwe: A wutomi ga hina ga nwina kala kufeni, loku nwina mu nga puxisi timhaka ta hina; kasi loku Jehova a hi nyika legi tiko, hina hi ta ku hawukela hi maha kusasa ha nwina.