Mitiro 22:3 - Tshwa Bible

³ Mina nzi muJuda; nzi pswalelwe Tarsusi wa le Kilikia, kanilezi nzi wundlelwe mutini lowu milengeni ya Gamalieli, nzi gonziswa ku tiva khwatsanyana a nayo wa vakoko va hina, na nzi pangamela Nungungulu, kota lezi nwina nwentlhe mu mahako inyamutlha. Xip. 5:34; 2 Kor. 11:22; Fil. 3:5; Lu. 10:39; Gal. 1:14; Rom. 10:2

Mitiro 22:3 Mawu Ofanana

2 Samueli 21:2

Zonake a hosi yi lo vitana a maGibeoni yi ta wulawula nawo. A maGibeoni ma wa nga hi vanana va ka Israeli, kanilezi va wa hi misalela ya vaAmori, lava va vanana va ka Israeli va nga va hlambanyele, ku nga vona Saule a nga xuvile ku va daya hi ku bayisekela a vanana va ka Israeli ni va ka Juda.

2 Tihosi 4:38

Makunu laha Elixa a nga wa tlhelele Gilgali, lomu tikweni ku wa hi ni ndlala. A vapizani va vaprofeti va wa tshamile mahlweni kakwe. Yena i te ngalo ka nanza gakwe: Xungeta a mbita ya hombe, u bhikela zakuga a vapizani va vaprofeti.

Luka 10:39

I wa hi ni makabye a vitwako Maria, loyi a nga tshama mikonzweni ya Hosi, a ingisa magezu yakwe,

Luka 2:46

Anzhako ka masiku manharu va lo mu kuma tempeleni, na a tshamile xikari ka vagonzisi, a vazwa ni ku va wutisa ziwutiso;

Luka 8:35

A vanhu va lo huma a ku ya wona lezi zi mahekileko; laha va nga chikela ka Jesu, va lo kuma a munhu loyi ma humileko ka yena a madimoni, na a tshamile mikonzweni ya Jesu, a ambele, a hi ni kupima kunene; va lo chava.

Mitiro 11:25

Yena i lo suka aya Tarsusi, a ku ya lava Saule. Xip. 9:30

Mitiro 15:23

Va lo tsala papilo, va famba nago, gaku: Hina vapostoli ni masingalakati ni vamakabye, ha losetela a ka vamakabye lava va nga vamatiko va le Antiokia, ni le Siria, ni le Kilikia, hiku:

Mitiro 15:41

I lo tsemakanya Siria ni Kilikia, na a tiyisa mabandla.

Mitiro 21:20

Vona laha va nga wa zi zwile va lo dumisa Nungungulu, vaku ka yena: Makabye, hi nga wona a mazana-zana ya vaJuda va kholilweko, vona vontlhe va pinyamela a navo; Xip. 23:3; Rom. 10:2; Gal. 1:14

Mitiro 21:39

Paule aku ngalo: Mina nzi muJuda wa le Tarsusi le Kilikia, nzi munhu wa muti wu dzunzekileko; nza ku khongotela u nzi vumela ku kanela ka vanhu. Xip. 9:11; 22:3

Mitiro 23:34

Laha a hosi yi nga wa gi gonzile, yi lo wutisa aku Paule ngwa gihi tiko; na yi zi tivile lezaku ngwa Kilikia, yiku: Xip. 21:39

Mitiro 23:6

Kanilezi laha Paule a nga zi tivile lezaku vanwani mbaSadusi, ni vanwani vaFarisi, i lo vitana hubyeni, aku: Vamakabye, mina nzi muFarisi, nʼwana wa vaFarisi; nzi kecarilwe hi kota ya kutsumba ka mina kuvukeni ka vafileko. Fil. 3:5; Xip. 24:15; 26:5

Mitiro 26:5

Loku va vumela ku kustumunya va zi tiva hi kale, lezaku nzi wa hi ni mahanyela ya wuFarisi, ma nga wone ma hunzako wontihe a kukhozeleni ka hina. Xip. 22:3; 23:6; Fil. 3:5

Mitiro 26:9

Hakunene nzi lo alakanya lezaku nzi yimelwe hi kuvukelaa vito ga Jesu wa le Nazareta, Joh. 16:2; 1 Tim. 1:13

Mitiro 5:34

Kanilezi a muFarisi a vitwako Gamalieli, a mugonzisi wa nayo, a nga dzunziwa hi vanhu vontlhe, i lo suka a yima hubyeni, a laya lezaku a vapostoli a va nga humeswa xikhatanyana. Xip. 22:3

Mitiro 6:9

A vanwani va le sinagogeni gi vitwako Sinagoga ga vatlhatlhisilweko wukhumbini, ni va le Kirene, ni va le Alekzandria, ni va le Kilikia, ni va le Asia, va lo vuka va kanetana na Stefani.

Mitiro 9:1

Kanilezi Saule na a ha kukutela a ku dzukisa ni ku daya a vapizani va Hosi, i loya ka mupristi wa hombe, Xip. 8:3; Gal. 1:13

Mitiro 9:11

A Hosi yiku ngalo kakwe: Vuka, uya phangweni legi gi vitwako, Go Lulama, u ya lava le ndlwini ya Juda a munhu loyi a vitwako Saule wa le Tarsusi; hakuva wa khongela. Xip. 21:39

Mitiro 9:30

Laha a vamakabye va nga zi tivile, va lo mu yisa Kesaria, va mu rumela Tarsusi.

Va le Roma 11:1

Hikwalaho nziku: Nungungulu i hoxile vanhu vakwe ke? Kokwihi! Hakuva na mina nzi muIsraeli, wa lixaka la Abrahama, wa nyimba ya ka Benjamini. 1 Sam. 12:22; Jer. 31:37; 2 Kor. 11:22

2 Va le Korinte 11:22

Vona mbaHeberu ke? na minawu nzi yena. Vona mbaIsraeli ke? na minawu nzi yena. Vona mba lixaka la Abrahama ke? na minawu nzi wa lona. Miti. 22:3; Rom. 11:1

Va le Galatia 1:14

Nzi loya mahlweni xiJudeni ku hunza vanyingi va ntanga ya mina lomu tikweni ga hina, nzi pinyamela nguvu mikhubyeni ya vakokwani. Jer. 9:14; Mar. 7:5; Fil. 3:6

Va le Galatia 1:21

Zonake nzi loya matikweni ya le Siria ni le Kilikia. Miti. 9:30

Deuteronome 33:3

Ina, yena wa ranza a tiko gakwe, Vontlhe va kubasa va gona va le canjeni ga wena, Vona va tshama laha mikonzweni ya wena, Va amukela a timhaka ta wena.