Mitiro 20:7 - Tshwa Bible

⁷ Hi siku go ranga ga viki, laha hi nga wa tsombene ku khema xibaba, Paule na a xuva ku suka manziko wa kona i lo kanela kabye, a lehisa kanelo wakwe ku kala xikari ka wusiku. 1 Kor. 10:16; 11:20; Kuv. 1:10

Mitiro 20:7 Mawu Ofanana

Nehemia 8:3

I lo yi gonza na yimile mahlweni ka tsenzela lowu wu nga hi laha mahlweni ka nyangwa ya Mati, kusukela ni mixo kala hlikanhini, a yi gonza mahlweni ka vavanuna ni vavasati, ni lava va nga wa zi kota ku yi pima. A tindleve tabye vontlhe ti wa pangele a bhuku ga milayo.

Nehemia 9:3

Va yima wutshanwini gabye, va gonzelwa a bhuku ga milayo ya Jehova Nungungulu wabye hi xipanze xa wumune xa siku; a ka xinwani xipanze xa wumune va wulela zionho zabye, va khozela Jehova Nungungulu wabye.

Marku 16:9

Laha na a vukile ni mpunzu hi siku go ranga ga viki, a ku ranga i lo woneka ka Maria wa le Magdala, loye a nga hlongole ka yena a ntlhanu wa madimoni ni mambiri. Lu. 8:2; Joh. 20:14

Luka 22:19

Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24

Luka 24:35

Na vona va lo hlawutela lezi zi nga humelela ndleleni, ni lezaku va mu tivisile kuyini laha a nga khema xibaba.

Johani 20:1

Hi siku go ranga ga viki, Maria wa le Magdala i lo famba xilahleni ni mpunzu, na ga ha te mphu, a wona ribye na gi susilwe nkeleni. Mat. 28:1; Mar. 16:1; Lu. 24:1

Johani 20:19

Laha gi nga hlwile gwalego siku, gi nga siku go ranga ga viki, na ti valilwe tivati laha vapizani va nga hi kona hi ku chava vaJuda, Jesu i lota a ta yima xikari kabye, aku ngalo: A kurula a kuve ka nwina. Mar. 16:14; Lu. 24:36; 1 Kor. 15:5

Johani 20:26

Loku ku hunzile a ntlhanu wa masiku ni manharu, a vapizani vakwe va wa hi lomo ndlwini, na hi kona Tomasi. Na ti valilwe tivati, Jesu i lo ta yima xikari kabye, aku ngalo: A kurula a kuve ka nwina.

Mitiro 16:10

Laha a nga wonile a muwoniso, khalekhale hi lo hlota ndlela ya kuya le Makedonia, na hi pimile lezaku Nungungulu i hi vitanile ku ya kanela ivangeli kabye. Tis. 119:60; 2 Kor. 2:13

Mitiro 2:42

Vona va lo pinyamela kugonziseni ka vapostoli, ni le kutlhanganeni, ni kukhemeni ka xibaba, ni mikhogelweni. Maheb. 10:25

Mitiro 2:46

A masiku ni masiku va lo pinyamela hi mbilu yinwe lomu tempeleni, va khema xibaba le kaya, vaga kuga kabye hi kutsaka ni matsenya, Lu. 24:53; Xip. 20:7

Mitiro 20:11

Laha na a kanzihile le hehla, i lo khema xibaba, aga, a wulawula navo a xikhati xa hombe, gi kala gica, zonake i lo suka a famba.

Mitiro 20:31

Hikwalaho rinzelani, na mu alakanya lezaku hi malembe manharu a nzi tsikangi ku luleka munwe ni munwani wa nwina hi mihloti a wusiku ni mumu.

Mitiro 20:5

Kanilezi va lo ranga va famba, va ya hi lavelela le Troasi.

Mitiro 20:9

Laha ka njhanela ku wa tshamile a jaha legi va nge hi Etikusi, gi lo tsingelwa hi wurongo ga hombe. Kota lezi Paule a nga nonohisa a kanela, gi lo hlulwa hi wurongo, giwa hi le xitezini xa wunharu, gi tlakulwa na gi file.

Mitiro 28:23

Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. Lu. 24:27; Xip. 17:3; 19:8

1 Va le Korinte 10:16

A gombe ga zikatekiso legi hi gi khesako, a hi gona ga hlengelo wa nkhata wa Kristu ke? Ni xibaba lexi hi xi khemako a hi xona xa hlengelo wa miri wa Kristu ke? Mat. 26:26; Miti. 2:42

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

1 Va le Korinte 16:2

Hi siku go ranga ga viki, ngha loyi ni loyi a ti vekela kota lezi a zi kumileko, kasi ku nga mahiwi hlengo loku nzi chikele. Miti. 20:7; Gal. 2:10

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2