Mitiro 20:32 - Tshwa Bible

³² Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Mitiro 20:32 Mawu Ofanana

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Jeremia 49:11

Siya a zisiwana za wena, nzi ta va hlayisa va hanya; ni tinoni ta wena a ti tsumba mina.

Marku 10:17

Laha a nga huma a goxometa ndleleni, a munhu i lo tsutsumela kakwe, a khizama mahlweni ka yena, a mu wutisa, aku: Mugonzisi wa nene, nzi ta maha yini, kasi nzi fela kuga a tshomba ya wutomi ga pinzukelwa ke? Mat. 19:16; Lu. 18:18

Johani 15:3

Nwina mu sina mu hlazekile hi kota ya mhaka leyi nzi nga kanela ka nwina. Xip. 13:10; Efe. 5:26; 1 Ped. 1:22

Johani 17:17

Va basise zineneni; a mhaka ya wena zinene. 2 Sam. 7:28; Miti. 15:9; Efe. 5:26

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 14:23

Laha na va va hlawulele a masingalakati mabandleni wontihe, hi kukhongela ni kuyila, va lo va nyikela Hosini, leyi va nga kholwa ka yona. Tit. 1:5

Mitiro 14:26

ku suka hi laho va loya Antiokia hi taru, ku nga laha va nga nyikelwe kona tipswalweni ta Nungungulu a kuya ntirweni lowu va wu hetileko.

Mitiro 14:3

Ahemba-lezoke a vapostoli va lo tshama kona a xikhati xa hombe, va kanela hi kutiya hi Hosi; leyi yi nga kustumunyela a mhaka ya yona ya tipswalo hi ziwoniso ni zirewukiso zi nga mahiwa hi vona. Mar. 16:20; Rom. 15:19; Maheb. 2:4

Mitiro 15:40

kanilezi Paule i lo hlawula Silasi, a suka na a nyikelwe tipswalweni ta Hosi hi vamakabye. Xip. 14:26

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

Va le Efesusi 1:14

lowu wu nga seve wa tshomba ya hina, kala va tirulwa lava Nungungulu a nga ti kumela vona, kasi ga dumiswa a wudumo gakwe. Miti. 20:28; Rom. 8:23; 2 Kor. 5:5

Va le Efesusi 1:18

Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18

Va le Efesusi 4:12

kasi a vobasa va fela ku mbhelela ntirweni wa wurisi, ku akiwa a miri wa Kristu, 1 Kor. 14:26; Xip. 1:23; Kol. 1:24

Va le Efesusi 4:16

loyi a miri wakwe wontihe wu tlhanganyiswako khwatsi, ni ku tiyiswa hi xivuno lexi xi nyikwako hi xiro xinwe ni xinwani, wu kuma kukula hi ntamu lowu wu avelwako xiro xinwe ni xinwani, kasi wu akiwa hi liranzo. Kol. 2:19

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Va le Kolosi 1:12

na mu bonga Dadani, loyi a hi mahileko hi hi ni fanelo a kuva vahlengeli va tshomba ya vobasa le kuwonekeleni. Efe. 1:11; 5:20

Va le Kolosi 2:7

mu zima mitsu ka yena, ni ku akiwa ka yena, mu tiyiswa kukholweni, kota lezi mu nga gonziswa, mu tala hi ku bonga Nungungulu.

Va le Kolosi 3:24

Ma zi tiva lezaku mu ta amukeliswa a tshomba hi Hosi, yiva nchachazelo wa nwina; hakuva a nwinyi loyi mu mu tirelako hi Hosi Kristu.

Maheberu 10:14

Hakuva hi muphahlelo munwe yena i mbhelelisile kala kupinzuka vona lava va basisilweko.

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Juda 1:20

Kanilezi nwina, varanzekako, ti akeni kukholweni ka nwina loku ku basileko, mu khongela hi Moya wa ku Basa; Kol. 2:7