Mitiro 2:3 - Tshwa Bible

³ Ku lo woneka kabye a tirimi to fanana ni nzilo, ti nga avanyeka ku tshama linwe hehla ka munwe ni munwani.

Mitiro 2:3 Mawu Ofanana

Genesisi 11:6

Na Jehova i te ngalo: Langutani; a tiko ginwe, ni lirimi linwe ka vona vontlhe; makunu va sangula ku maha lezi, na kona a ku na nchumu xi ta nga va tsimbeta a ka zontlhe lezi va xuvileko ku zi maha.

Tisimu 55:9

Jehova, va lovise, u hambanyisa a tirimi tabye, Hakuva nzi wonile lunya ni timholova lomu mutini. Gen. 11:9

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Jeremia 23:29

Xana a mhaka ya mina a yi koti nzilo ke? ku wula Jehova; a yi fani ni hamela leyi yi panzako maribye ke? Maheb. 4:12

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

Mateu 3:15

Jesu i lo hlamula aku kakwe: Lezi a zive tano; hakuva zinghaho hi fanele ku tatisa kululama kontlhe. Zonake Johani i lo mu vumela.

Luka 24:32

Zonake va lo byelana vaku: Kasi a timbilu ta hina ti wa nga vuri nzeni ka hina, laha a nga kanela ka hina ndleleni, a hi vululela mitsalo ke?

Mitiro 1:15

Hi lawo masiku Pedro i lo yima xikari ka vamakabye, laha ku nga wa tsombene a tsengo wa 120 wa vanhu, aku ngalo: Kuv. 3:4

Mitiro 2:11

a va le Kreta, ni vaArabia, hina hontlhe ha vazwa na va kari va wulawula hi tirimi ta hina hi mitiro ya ntamu ya Nungungulu.

Mitiro 2:2

Hi xitshuketi ku lo zwakala hi le tilweni a kuvumavuma kota a bhubhutsa ga mheho ya ntamu, ku tata a yindlu leyi va nga wa tshamile ka yona. Xip. 4:31

Mitiro 2:4

Vontlhe va lo tatiswa hi Moya wa ku Basa, va sangula ku wulawula hi tinwani tirimi, kota lezi Moya wu nga va nyika ku wulawula zona. Xip. 1:5; Mar. 16:17; 1 Kor. 12:10; 13:1; 14:2

1 Va le Korinte 12:10

Ka munwani ku nyikiwa ku tira zihlamaliso; ni ka munwani a ku profeta; ni ka munwani a ku pima mimoya; ni ka munwani a ku wulawula a tirimi ti tsalangeneko, ni ka munwani a ku tlhamusela tirimi. Miti. 2:4; Rom. 12:6; Gal. 3:5; 1 Joh. 4:1

Jakobe 3:6

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena. Mat. 15:19; Mar. 7:15

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 14:6

Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.