Mitiro 2:24 - Tshwa Bible

²⁴ Kanilezi Nungungulu i lo mu vuxa, a mu tlhatlha kubayisekeni ka kufa; hakuva zi wa nga koteki lezaku a khomiwa ha kona. Xip. 3:15; 4:10; Rom. 4:24; 8:11; 1 Kor. 15:15; Gal. 1:1; Efe. 1:20; Kol. 2:12

Mitiro 2:24 Mawu Ofanana

Tisimu 116:16

Jehova, hizinene, nzi nanza ga wena, Nzi nanza ga wena, a nʼwana wa nanza ga wena ga xisati; Wena u tlhatlhile a magota ya mina.

Isaya 10:7

Ahemba, yena a nga sungwi hi lezo, A mbilwini yakwe a nga alakanyi lezo; Kanilezi a mbilu yakwe yi xuva ku lovisa, Ni ku hihirita matiko ya ku tala.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Mateu 27:63

vaku: Hosi, ha alakanya lezaku a mukhohlisi loyi na a ha hanya i te ngalo: Nzi ta vuka hi siku ga manharu. Xip. 17:23; Mar. 8:31; Lu. 9:22

Johani 10:18

A ku na munhu a nzi tekelako kona, kanilezi nza ku nyikela ha nzoce. Nzi na nzi ntamu ku ku nyika, nzi na ni ntamu wa ku tlhela nzi ku teka. Nzi leletelwe lezo hi Dadani. Xip. 2:19; 6:38; 15:10; Miti. 2:24, 32

Johani 10:35

Loku a va vitanile aku vanungungulu, vona lava a mhaka ya Nungungulu yi nga tile kabye (ni mitsalo a yi na ku fuva), Rom. 13:1

Johani 12:39

Hi kota ya lexi va wa nga zi koti ku kholwa, hakuva Isaya i te ngalo kambe:

Johani 20:9

Hakuva va wa nga se ku wu pima a mutsalo, lowu wu nge ngalo i fanele a ku vuka hi ka vafileko. Tis. 16:10; Miti. 2:25-31

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Mitiro 13:30

Kanilezi Nungungulu i lo mu vuxa hi ka vafileko;

Mitiro 13:37

kanilezi loyi Nungungulu a mu vuxileko a nga wonangi kubola.

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Mitiro 2:32

Jesu loyi, Nungungulu i lo mu vuxa, hina hontlhe hi vakustumunyu va lezo. Xip. 1:8

Mitiro 3:15

mu daya a Hosi ya wutomi; kanilezi Nungungulu i mu vuxile hi ka vafileko; hina hi vakustumunyu va lezo.

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Mitiro 4:10

ngha zi tiveka ka nwina nwentlhe, ni ka vanhu vontlhe va ka Israeli, lezaku loyi munhu a yimileko mahlweni ka nwina, i hanyisilwe hi vito ga Jesu Kristu wa le Nazareta, loyi nwina mu nga mu belela, loyi Nungungulu a nga mu vuxa hi ka vafileko. Xip. 3:6

Mitiro 5:30

A Nungungulu wa vakoko va hina i vuxile Jesu, loyi nwina mu nga mu daya mu mu hayeka sinyeni. Xip. 10:39; Gal. 3:13; 1 Ped. 2:24

Va le Roma 10:9

Hakuva loku u vumela hi nomu wa wena lezaku Jesu i Hosi, u kholwa mbilwini ya wena lezaku Nungungulu i mu vuxile hi ka vafileko, wena u ta hanyiswa.

Va le Roma 14:9

Hakuva Kristu i lofa a tlhela a hanya, lezaku a fela kuva Hosi ya vafileko ni vahanyako. Miti. 10:36; 2 Kor. 5:15

Va le Roma 4:24

kanilezi ku lo tsaliwa hi kota ya hina kambe, lava ku ta nga hlayelwa ka hina, hina, lava hi kholwako ka yena loyi a nga vuxa Jesu a Hosi ya hina hi ka vafileko, Miti. 13:30; 1 Ped. 1:21

Va le Roma 6:4

Hikwalaho hi lahlilwe zinwe naye kufeni hi kubapatiza; lezaku kota lezi Kristu a nga vuxiwa hi ka vafileko hi kungangamela ka Dadani, hizalezo na hinawu hi fela ku famba hi mahanyela maswa. Tis. 19:13; Kol. 2:12; 3:10

Va le Roma 8:11

Zonake loku a Moya wa loyi a nga vuxa Jesu hi ka vafileko wu tshama ka nwina, yena loyi a nga vuxa Kristu Jesu hi ka vafileko i ta hanyisa ni mimiri ya nwina ya kufa hi Moya wakwe lowu wu tshamako ka nwina. Xip. 6:4, 5; 1 Kor. 6:14; Efe. 2:5

Va le Roma 8:34

Himani loyi a ta nga va kona ke? Kristu Jesu loyi a ngafa a tlhela a vuka hi ka vafileko, loyi a nga canjeni ga xinene ga Nungungulu, hi yena loyi a hi khongelelako. Maheb. 7:23

1 Va le Korinte 15:12

Makunu loku ku kanelwa ha Kristu lezaku i vukile hi ka vafileko, va wula hi kuyini a vanwani va nwina lezaku a ku kona a kuvuka ka vafileko ke? 2 Tim. 2:17

1 Va le Korinte 15:15

Zonake hi kumiwa na hi hi vakustumunyu va mawunwa va Nungungulu; hakuva hi lo kustumunya ha Nungungulu lezaku i vuxile Kristu, loyi a nga mu vuxangiko, loku hakunene a vafileko va nga vuki.

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

1 Va le Korinte 15:4

ni lezaku i lahlilwe, a tlhela a vuka hi siku ga wunharu, kota lezi yi wulako mitsalo: Tis. 2:7; 16:10; Isa. 53:10; Hos. 6:2

1 Va le Korinte 6:14

Lezi Nungungulu a nga vuxa Hosi, lezo i ta hi vuxa hina hi ntamu wakwe. Rom. 6:5; Efe. 1:19

2 Va le Korinte 4:14

na hi tiva lezaku loyi a nga vuxa Hosi Jesu, i ta vuxa na hinawu zinwe na Jesu, a hi yimisa zinwe na nwina mahlweni kakwe.

Va le Galatia 1:1

Paule, a mupostoli (na ku nga hi ka vanhu, hambu ku mahiwa hi munhu, kanilezi hi Jesu Kristu, ni Nungungulu a Dadani, loyi a nga mu vuxa hi ka vafileko), Miti. 9:6

Va le Efesusi 1:20

lowu a nga tira ha wona ka Kristu, laha a nga mu vuxa hi ka vafileko, a mu tshamisa canjeni gakwe ga xinene le tilweni,

Va le Kolosi 2:12

na mu lahlilwe zinwe naye hi kubapatizwa, mu tlhela mu vuxiwa zinwe naye hi ku kholwa a ntamu wa Nungungulu, loyi a nga vuxa Kristu hi ka vafileko. Rom. 6:4; Efe. 3:7

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9