Mitiro 2:23 - Tshwa Bible

²³ loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

Mitiro 2:23 Mawu Ofanana

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mateu 20:19

Va ta mu nyikela mandleni ya vamatiko, kasi va mu tseketsela ni ku mu xupula, ni ku mu belela; kanilezi hi siku ga manharu i ta vuka kambe. Xip. 27:2; Lu. 23:1; Miti. 3:13

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Mateu 27:35

Laha na va mu belele, va lo avelana a tinguwo takwe hi ku hlahluva tihlolo. Mar. 15:24; Lu. 23:34; Joh. 19:24

Marku 15:24

Laha na va mu belele, va lo avelana a tinguwo takwe xikari kabye, na va ti hlahluveta, lezaku hi yihi a ta nga teka munwe ni munwani. Tis. 22:18; Lu. 23:34; Joh. 19:23

Luka 22:22

Hakuva a Nʼwana wa munhu wa ti fambela, kota lezi ku yimisilweko; kanilezi i khombo ka munhu loyi a mu tokometako! Mat. 26:24; Miti. 2:23

Luka 22:37

Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28

Luka 23:33

Laha na va chikele wutshanwini gi vitwako, A xikodo, va lo mu belela kona, zinwe ni zigohi; xinwe hi le canjeni ga xinene ni xinwani ka ga xibhabha. Mat. 27:33; Mar. 15:22; Joh. 19:17

Luka 24:20

ni lezi a vapristi va hombe ni vafumeli va hina va nga mu nyikela, lezaku a konelwa ku dawa, va mu belela. Xip. 23:1; Miti. 13:27, 28

Johani 19:18

Hi laho va nga mu belela kona; ku belelwa zinwe naye a vanwani va vambiri, munwe hi seyi ni munwani hi seno, Jesu hi laha xikari.

Johani 19:24

Hikwalaho vaku ngalo: Hi nga gi hanzuli, kanilezi a hi hlahluveni, lezaku gi ta maha ga mani; kasi ku fela ku tatiseka a mutsalo, lowu wu nge ngalo: Va lo avana a tinguwo ta mina, Va hlahluveta a bhaji ga mina. A masochwa ma lo maha lezo. Tis. 22:18

Mitiro 13:27

Hakuva kota lezi a vaaki va le Jerusalema ni vahombe vabye, va nga kala ku mu tiva Jesu, va lo mu kona, va tatisisa lezo a timhaka ta vaprofeti leti ti gonziwako hi sabado ginwe ni ginwani. 1 Kor. 2:8

Mitiro 15:18

Ku wula Hosi, leyi yi tivekisako lezi zilo hi kale ka matiko.

Mitiro 2:36

Hikwalaho ngha yindlu yontlhe ya Israeli yi tiva hi kutiyisilweko, lezaku Nungungulu i mu mahile Hosi ni Kristu, yena Jesu loyi mu nga mu belela. Xip. 5:31

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Mitiro 5:28

aku: Hi lo mu layisisa nguvu lezaku mu nga gonzisi hi vito legi; hambu zi hi tano, mu tatisile Jerusalema hi kugonzisa ka nwina, mu xuva ku neha a nkhata wa loyi munhu hehla ka hina. Mat. 23:35; 27:25; Xip. 4:18; 2:23; 3:15

Mitiro 5:30

A Nungungulu wa vakoko va hina i vuxile Jesu, loyi nwina mu nga mu daya mu mu hayeka sinyeni. Xip. 10:39; Gal. 3:13; 1 Ped. 2:24

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;

Va le Roma 2:12

Hakuva vontlhe lava va onhileko na va nga hi na nayo, va tafa na va nga ni na nayo; ni vontlhe lava va onhileko na va hi lahasi ka nayo, va ta lamulwa hi nayo.

Va le Roma 4:17

Kota lezi ku tsalilweko ku ngalo: Nzi ku mahile a raru wa tixaka tinyingi. I maha lezo mahlweni ka Nungungulu loyi a nga kholwa kakwe, loyi a hanyisako lava va fileko, a wulawulako hi zilo zi nga hiko kona, a ku khwatsi hi loku zi hi kona. 1 Kor. 1:28; Efe. 2:1; 1 Ped. 2:10

1 Va le Tesalonika 2:15

Lava va nga daya Hosi Jesu ni vaprofeti, va hlongola na hina; a va xalalisi Nungungulu, kanilezi mbalala va vanhu vontlhe; Mat. 5:12; Miti. 7:52

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8