Mitiro 18:12 - Tshwa Bible

¹² Kanilezi laha Galio a nga wa hi mufumeli wa le Akaya, a vaJuda va lo vukela Paule hi mbilu yinwe, va mu yisa mahlweni ka hubye,

Mitiro 18:12 Mawu Ofanana

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Johani 19:13

Laha Pilatu na a ti zwile leti timhaka, i lo humesa Jesu lahandle, a tshama xitshanwini xa kulamula, a ka wutshamu gi vitwako, Maribye, kanilezi hi xiHeberu, Gabata.

Mitiro 13:12

Loyi wa hosana, na a wonile lezi zi mahekileko, i lo kholwa, na a kari a hlamala hi kugonzisa ka Hosi.

Mitiro 13:50

Kanilezi a vaJuda va lo kucetela a vavasati va dumileko va chavako Nungungulu, ni vahombe va muti, va vuxela Paule na Barnabasi a kuxaniswa, va va panzanya tikweni gabye.

Mitiro 13:7

Yena i wa tshama ka hosana Sergiu Paulusi, a munhu a tlharihileko. Yaloye i lo vitana Barnabasi na Saule, na a lava kuzwa a mhaka ya Nungungulu.

Mitiro 13:8

Kanilezi Elima, (kutani Mungoma, hakuva a vito gakwe gi wula lezo,) i lo va vukela, na a xuva ku hambukisa a hosana kukholweni.

Mitiro 14:19

Kanilezi ku lo chikela a vaJuda na vata hi le Antiokia ni le Ikoniume, va hlohlotela a zidlemo, va gandla Paule hi maribye, va mu rorovisela le handle ka muti, na va alakanya lezaku i file. Xip. 13:45; 2 Kor. 11:25

Mitiro 14:2

Kanilezi a vaJuda lava va nga kala ku kholwa va lo vindlukisa a vamatiko, lezaku a timbilu tabye ti zangarela a vamakabye.

Mitiro 17:13

Kanilezi laha a vaJuda va le Tesalonika va nga zi zwile, lezaku a mhaka ya Nungungulu ya biwa hungu hi Paule ni le Berea, va loya kona, va ya Vuxa ni ku vindlukisa a zidlemo.

Mitiro 17:5

Kanilezi a vaJuda na va tatisilwe hi mona, va lo kombela a vanyamijiri a ku tsombanyisa a xidlemo, va vuxa dzolonga mutini; zonake va lo ranzela a yindlu ya Jasoni, va lava a vapostoli a ku va humesa ka vanhu. Rom. 16:21

Mitiro 18:11

Yena i lo tshama laho a lembe ginwe ni ntlhanu wa tihweti ni yinwe, na a gonzisa a mhaka ya Nungungulu xikari kabye.

Mitiro 18:27

Ni laha a nga xuva ku hunza aya Akaya, a vamakabye va lo mu tiyisa hlana, va tsalela a vapizani va seyo, va va khongotela ku mu amukela. Laha a nga chikele kabye i lo va vuna nguvu lava va kholilweko hi tipswalo ta Nungungulu; 1 Kor. 3:6

Mitiro 19:21

Loku zi mahekile zontlhe lezo, Paule i lo xuva moyeni a ku tsemakanya Makedonia ni le Akaya, aya Jerusalema, aku: Anzhako ka kuva na nzi yile kona nzi fanele ku ya wona ni le Roma kambe. Rom. 15:24-28; Gal. 2:1; Xip. 18:21

Mitiro 25:10

Paule i lo hlamula, aku: Mina nzi yimile mahlweni ka xitshamu xa kulamula xa Kesari, hi laha nzi fanelweko hi ku lamulwa kona; a nzi onhangi nchumu ka vaJuda, kota lezi wena u zi tivako khwatsi.

Va le Roma 15:26

Hakuva a va le Makedonia ni va le Akaia va xuvile ku maha hlengo, kasi ku vunetela lava va vumalako xikari ka vobasa va le Jerusalema. 1 Kor. 16:1; 2 Kor. 8:1; 9:2

Va le Roma 16:5

Rungulani ni bandla legi gi nga lomu ndlwini yabye. Mu rungula na Epenetusi a xiranzwa xa mina, loyi a nga mbhanzu wo ranga ka Kristu le Asia. 1 Kor. 16:19; Kol. 4:15; File. 2

1 Va le Korinte 16:15

Makunu nza ha mu khongotela vamakabye: Ma yi tiva a yindlu ya Stefanasi, lezaku hi yona a mbhanzu wo ranga wa le Akaia, ni lezaku va ti yimisele a kuva va tirela a vobasa.

2 Va le Korinte 1:1

Mina Paule, nzi nga mupostoli wa Jesu Kristu hi kuranza ka Nungungulu, na Timote a makabye wa hina, ha losa a bandla ga Nungungulu legi gi nga le Korinte, zinwe ni vobasa vontlhe lava va nga le Akaia gontlhe, hiku: Kol. 1:2

2 Va le Korinte 11:10

Khwatsi hi lezi a zinene za Kristu zi nga ka mina, a ku na munhu a ta nga nzi wutlela a ku ti dzunza loku matikweni ya Akaia. Rom. 9:1

2 Va le Korinte 11:26

Zikhati zinyingi nzi wa hi mapfhumbeni, nzi hi timhangweni ta micongo, nzi wela mandleni ya vaphangi, nzi lava ku dawa hi va ka hina, ni vamatiko, nzi wa hi timhangweni ta lomu mitini, ni ta le xiwuleni, ni ta lomu bimbini, ni ta lomu xikari ka vamakabye va mawunwa. Miti. 9:23; 13:50; 14:5; 17:5; 19:23; 21:31; 23:10

2 Va le Korinte 9:2

hakuva nza ku tiva a kulonga ka nwina, loku nzi ti dzunzako ha kona ka va le Makedonia, nziku a va le Akaia va wa longile a nwecemu; a kupangama ka nwina ku vuxile vanyingi vabye: Xip. 8:19, 24

1 Va le Tesalonika 2:14

Hakuva nwina, vamakabye, mu lo maha vaecanyisi va mabandla ya Nungungulu ma nga le Judia, lawa ma nga ka Kristu Jesu; hakuva nwina mu lo xaniswa hi va ka nwina, kota lezi va nga xanisiswa zona hi vaJuda. Miti. 17:5; Gal. 1:22; Maheb. 10:33

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Jakobe 2:6

Kanilezi nwina mu kanyisa loyi a vumalako. Xana lava ya fumileko a hi vona va mu xanisako ke, a hi vona va mu kokoviselako tihubyeni ke? Miti. 13:50; 17:6