Mitiro 17:24 - Tshwa Bible

²⁴ Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Mitiro 17:24 Mawu Ofanana

Genesisi 1:1

A kusanguleni Nungungulu i lo vanga tilo ni misava.

Genesisi 14:19

I lo mu katekisa, aku: A katekiswe Abrama hi Nungungulu a nga Hehla-hehla, a nwinyi wa tilo ni misava.

Genesisi 14:22

Na Abrama i te ngalo ka hosi ya le Sodoma: Nzi tlakusile a canja ga mina ka Jehova, Nungungulu a nga Hehla-hehla, a nwinyi wa tilo ni misava,

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

2 Kronekele 2:6

Kanilezi himani a nga ni ntamu wa ku mu akela a yindlu ke? Hakuva hambu a tilo ni tilo ga matilo a ma zi koti ku mu enela. Makunu mina nza kuva mani wo kala nzi mu akela a yindlu, loku yi nga hi ya ku hisela ka yona libani mahlweni kakwe ke? Isa. 66:1; Jer. 23:24; Miti. 7:48

2 Kronekele 6:18

Kona Nungungulu hakunene a nga aka ni vanhu laha misaveni ke? Languta, a tilo, ni tilo ga matilo a ma ku ringani; ku ta kuyini ka yindlwana levi nzi yi akileko ke? Joba 11:7; Isa. 66:1; Miti. 17:24

Tisimu 115:16

A matilo nja Jehova, Kanilezi a misava i yi nyikile ka vanana va vanhu.

Tisimu 146:5

I katekile loyi Nungungulu wa Jakobe a nga muvuni wakwe, Loyi a tsumbako Jehova, Nungungulu wakwe,

Tisimu 148:13

A va dumise a vito ga Jehova, Hakuva hi vito gakwe goce gi tlakukileko; A wuhosi gakwe gi tlakukile ku hunza misava ni tilo. Isa. 12:4

Tisimu 24:1

A misava nja Jehova, ni kutala ka yona, A tiko ni lava va tshamako ka gona. Ekso. 19:5; Deut. 10:14; 1 Kor. 10:26

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 5:34

Kanilezi mina nziku ka nwina: Mu nga hlambanyi ni kanwe; hambu hi tilo, hakuva xitshamu xa wuhosi xa Nungungulu; Isa. 66:1; Xip. 23:16

Luka 10:21

Ka xwalexo xikhati Jesu i lo tsaka hi Moya wa ku Basa, aku ngalo: Nza ku bonga, Dadani, Hosi ya tilo ni misava, hakuva u fihlile a timhaka leti ka titlhari ni lava va pimako, u ti wonekelisa ka lava va tsongwani; Ina, Dadani, hakuva u wa ranza ku maha lezo.

Johani 1:1

A kusanguleni gi wa hi kona Gezu, Gezu gi wa hi na Nungungulu, Gezu gi wa hi Nungungulu. Mat. 8:22; Kol. 1:17; 1 Joh. 1:2; 3:7

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 4:24

Vona na va zi zwile, va lo tlakusa magezu yabye ka Nungungulu hi mbilu yinwe, vaku ngalo: Hosi, wena loyi u nga maha a tilo ni misava ni bimbi, ni zontlhe lezi zi nga ka zona; 2 Tih. 19:15; Ekso. 20:11; Jer. 32:17

Mitiro 7:48

Ahemba-lokoke, loyi a nga Hehla-hehla a nga tshami tindlwini leti ti akilweko hi mandla, kota lezi a wulako muprofeti, aku: 2 Kro. 2:6

Va le Roma 1:19

Hakuva lezi zi nga tibyiwako ha Nungungulu zi wonekelisilwe kupimeni kabye, hakuva Nungungulu i lo zi wonekelisa ka vona. Joh. 1:9; Miti. 14:17

Deuteronome 10:14

Wa wona! a matilo, ni matilo ya matilo, nja Jehova Nungungulu wa nwina, zinwe ni misava ni zontlhe zi nga ka yona.

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Maheberu 3:4

Hakuva a yindlu yinwe ni yinwani yi akilwe hi munhu wo kari, kanilezi loyi a akileko zilo zontlhe hi Nungungulu. Efe. 2:10; 3:9; Xip. 1:2

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10