Mitiro 16:6 - Tshwa Bible

⁶ Va lo famba va tsemakanya Frigia ni le Galatia, hakuva va wa tsimbetelwe hi Moya wa ku Basa a ku kanela mhaka le Asia.

Mitiro 16:6 Mawu Ofanana

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Luka 1:2

khwatsi hilezi ma nyikilweko ka hina hi lava va nga zi wona hi mahlo, na va hi malanza ya mhaka hi kusanguleni, Mar. 1:1; Joh. 15:27; Maheb. 2:3

Mitiro 10:19

Kota lezi Pedro a nga ha alakanya hi xiwoniso, a Moya wuku ka yena: Languta, a vanhu vanharu va ku lava.

Mitiro 11:12

A Moya wu lo nzi laya a ku famba navo, na nzi nga kanakani nchumu. A vamakabye lava va ntlhanu ni munwe va lo nzi pangalata; hi lo ya enghena ndlwini ya loye munhu. Joh. 16:13; Xip. 10:23

Mitiro 16:7

Laha va nga chikele ku cuwukana ni le Misia, va lo ringa a kuya Bitunia; kanilezi a Moya wa Jesu a wu va vumelangi.

Mitiro 18:23

Na a tshamile laho a xikhati xo kari, i lo suka a ya tsemakanya tikweni ga le Galatia, ni le Frigia, na a tiyisa vapizani vontlhe. Gal. 1:2; 4:14; Xip. 14:22; 15:32

Mitiro 19:10

Ku lo simamisa kota lezo a xipimo xa malembe mambiri; laha ka kuva vontlhe lava va nga wa akile le Asia vazwa a mhaka ya Hosi, a vaJuda ni vaGreki. Xip. 20:31

Mitiro 20:16

Hakuva Paule i wa xuva ku hunza hi le Efesusi, lezaku kasi a nga hlweli le Asia; hakuva i wa hatlisela ku ya chikela Jerusalema hi siku ga Pentekosta loku zi wa koteka. Xip. 2:1; 18:21; 1 Kor. 16:8

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Mitiro 20:4

Va lo mu heleketa kala va chikela le Asia, vaSopateri wa le Berea, a nʼwana wa Pirusi; na Aristakusi, na Sekundo va le Tesalonika; Gaiusi wa le Derbe, na Timote: ni va le Asia, Tikukusi na Trofimusi. Xip. 16:1; Efe. 6:21; Tit. 3:12

Mitiro 21:27

Laha ma nga lava ku mbhela a ntlhanu wa masiku ni mambiri, a vaJuda va le Asia va lo mu wona tempeleni, va vindlukisa a xidlemo xontlhe, va mu khoma, Xip. 24:18; 26:21

Mitiro 6:9

A vanwani va le sinagogeni gi vitwako Sinagoga ga vatlhatlhisilweko wukhumbini, ni va le Kirene, ni va le Alekzandria, ni va le Kilikia, ni va le Asia, va lo vuka va kanetana na Stefani.

Mitiro 8:29

A Moya wuku ngalo ka Filipu: Famba, u tshinelela a kareta leyiya.

Va le Roma 16:5

Rungulani ni bandla legi gi nga lomu ndlwini yabye. Mu rungula na Epenetusi a xiranzwa xa mina, loyi a nga mbhanzu wo ranga ka Kristu le Asia. 1 Kor. 16:19; Kol. 4:15; File. 2

1 Va le Korinte 12:11

Kanilezi zontlhe lezi zi tiriwa hi walowo Moya munwe, lowu wu avelako ka munwe ni munwani hi laha wu ranzako ha kona. Rom. 12:6-8; 2 Kor. 10:13; Maheb. 2:4

1 Va le Korinte 16:1

Makunu xungetano ni hlengo lowu wu hlengelwako lava vobasa, mahani na nwinawu kota lezi nzi layileko a mabandla ya le Galatia. Miti. 11:29; 24:17; Rom. 15:26; 2 Kor. 8:4; 9:1; Gal. 2:10

1 Va le Korinte 16:19

A mabandla ya leno Asia ma mu rungula. Akwila na Priska va mu rungula nguvu Hosini, zinwe ni bandla legi gi nga lomu ndlwini yabye. Rom. 16:5

2 Va le Korinte 1:8

Hakuva vamakabye, a hi zi ranzi lezaku mu kohlwa hi khombo hi nga welwa ha gona le Asia, hakuva hi wa tsimbeketilwe nguvu ni ku hunza a ntamu wa hina, kala hi nga ha tsumbi aku hi ta hanya. Miti. 19:23; 1 Kor. 16:9

Va le Galatia 1:2

mina ni vamakabye vontlhe lava va nga zinwe na mina, ha rungula a mabandla ya le Galatia, hiku: 1 Kor. 16:1; Fil. 2:22

Va le Galatia 3:1

Maphuphulu nzi nwina vaGalatia, mu kanganyisilwe hi mani, nwina lava Jesu Kristu a nga kombiswa ka nwina kubaseni kota loyi a belelweko? 1 Kor. 1:23; Xip. 5:7

2 Timote 1:15

Wena wa zi tiva lezaku vontlhe lava va nga le Asia va nzi fularele; a xikari ka vona hi Figelusi na Hermogenesi.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24

Maheberu 11:8

Hi kukholwa Abrahama i lo ingisa laha a nga vitanwa, a suka aya tikweni lego a ta nga ya nyikwa gona giva tshomba yakwe: i lo rura na a nga ku tivi laha a yako kona. Gen. 12:1, 4

1 Pedro 1:1

Mina Pedro, nzi nga mupostoli wa Jesu Kristu, nza rungula a vahlawulilweko, a valuveli lava va hangalakileko le Pontu, ni le Galatia, ni le Kapadokia, ni le Asia, ni le Bitunia, Miti. 2:5, 9; Jak. 1:1

Kuvululelwa 1:11

Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1