Mitiro 15:11 - Tshwa Bible

¹¹ Kasi ha kholwa lezaku hi ta hanyiswa hi tipswalo ta Hosi Jesu, khwatsi hi vona. Rom. 3:24; Efe. 2:8

Mitiro 15:11 Mawu Ofanana

Va le Roma 3:24

Na va nga hi na fanelo va hlayelwa kululama hi kota ya tipswalo takwe, hi kota ya kutirulwa loku ku nga ka Kristu Jesu; Mat. 20:23; Efe. 1:7; 2:8; Kol. 1:14; 1 Ped. 1:18, 19

Va le Roma 5:15

Kanilezi a xinyikiwo xa wuxinji a xi fanani ni xihambuko. Hakuva loku a vanyingi vafile hi kota ya xihambuko xa munhu munwe, hikwalaho ti anzisilwe nguvunguvu ka vanyingi a tipswalo ta Nungungulu, ni xinyikiwo xa tipswalo xi tileko hi munhu munwe, yena Jesu Kristu. Isa. 53:11; Mat. 20:28

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

1 Va le Korinte 16:23

A tipswalo ta Hosi Jesu Kristu a tive na nwina.

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Va le Galatia 1:6

Nza hlamala a kuva mu hatlisile kota lezo a ku hambana ni loyi a nga mu vitanela tipswalweni ta Kristu, muya ka yinwani ivangeli.

Va le Galatia 2:16

kota lezi hi zi tivako lezaku a munhu a nga hlayelwi kululama hi mitiro ya nayo, sine hi kukholwa ka Jesu Kristu, hina hi lo kholwa ka Kristu Jesu lezaku hi fela ku hlayelwa kululama hi kukholwa ka Kristu, na ku nga hi mitiro ya nayo; hakuva a ku na munhu a ta nga hlayelwa kululama hi mitiro ya nayo. Tis. 143:2; Miti. 13:38; Rom. 1:17; 8:3

Titusi 2:11

Hakuva a tipswalo ta Nungungulu ti wonekile, ti neha kuhanyiswa ka vanhu vontlhe, Joh. 1:9; 1 Tim. 2:4

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24