Mitiro 14:3 - Tshwa Bible

³ Ahemba-lezoke a vapostoli va lo tshama kona a xikhati xa hombe, va kanela hi kutiya hi Hosi; leyi yi nga kustumunyela a mhaka ya yona ya tipswalo hi ziwoniso ni zirewukiso zi nga mahiwa hi vona. Mar. 16:20; Rom. 15:19; Maheb. 2:4

Mitiro 14:3 Mawu Ofanana

Marku 16:20

Kanilezi vona va lo famba, va ya kanela ivangeli wutshanwini gontlhe; a Hosi yi wa tira zinwe navo, yi tiyisa a mhaka hi ziwoniso lezi zi nga yi heleketa. Amen. Maheb. 2:4

Johani 4:48

Jesu i te ngalo kakwe: Loku mu nga woni ziwoniso ni zirewukiso a mu kholwi. 1 Kor. 1:22

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 20:32

Makunu nza mu veka ka Nungungulu, ni ka mhaka ya tipswalo takwe, leyi yi zi kotako a ku mu aka, ni ku mu nyika tshomba xikari ka vontlhe lava va basisilweko. Maheb. 9:15; Efe. 1:18; 1 Ped. 1:4

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Mitiro 5:32

Hina hi vakustumunyu va timhaka leti, zinghaho ni Moya wa ku Basa lowu Nungungulu a wu nyikileko ka vona lava va mu ingisako. Joh. 15:26

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

1 Va le Tesalonika 2:2

Kanilezi hambu lezi hi nga rangile hi xaniseka ni ku khonʼwa hi tingana le Filipi (kota lezi mu zi tivako), hi lo tiya-hlana ka Nungungulu wa hina, hi kanela ka nwina a ivangeli hi kulwa ka hombe. Miti. 16:22; 17:2

Maheberu 2:4

Nungungulu kambe i lo maha wukustumunyu zinwe navo hi ziwoniso ni zirewukiso ni mitiro yinyingi ya ntamu, a avela a zinyikiwo za Moya wa ku Basa kota kuranza kakwe yena nwinyi. Mar. 16:20; Miti. 2:22; Rom. 15:18-19