Mitiro 14:22 - Tshwa Bible

²² na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Mitiro 14:22 Mawu Ofanana

Isaya 35:3

Tiyisani a mandla ma rerekileko, Mu tiyiseta a madzolo ma hohoveleko.

Mateu 10:38

Loyi a nga rwaliko a xihambano xakwe a nzi lanzela, a nga nzi faneli. Xip. 16:24; Mar. 8:34; Lu. 9:23

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 19:24

Kambe nziku ka nwina: Za hehuka ka kameli ku enghena nonwini wa chingani, ku hunza munhu a fumileko ku enghena mufunweni wa Nungungulu.

Marku 10:30

loyi a ta nga kala a nga amukeliswi hi ka zana a ka lexi xikhati, a tiyindlu, ni vanakulobye, ni vamakabye, ni vanyine, ni vana, ni masimu, na hi kona zixanisweni; ni ka tiko gi tako a wutomi ga pinzukelwa. 2 Kro. 25:9; Lu. 18:30

Marku 9:47

Loku a tihlo ga wena gi ku khunguvanyisa, gi xokole; zi ku sasekele a kuva u enghena mufunweni wa Nungungulu na u hi ni tihlo ginwe, ku hunza a kuva u hi ni mahlo mambiri, u hoxwa Gehena,

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

Johani 15:18

Loku tiko gi mu venga, zi tiveni lezaku gi rangile hi mina gi nzi venga. 1 Joh. 3:1, 13

Johani 15:20

Alakanyani a mhaka leyi nzi nga mu byela, nziku: A nanza a hi ga hombe ku hunza a hosi ya gona. Loku va xanisile mina, va ta xanisa na nwina kambe; loku va hlayisile a mhaka ya mina, va ta hlayisa ni va nwina kambe. Ezek. 3:7; Mat. 10:24; Xip. 13:16

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 11:26

Laha a nga wa mu kumile, i lo mu heleketa le Antiokia. Va lo tshama kona lembe gontlhe va tsombana ni handla, va gonzisa vanhu vanyingi. Hi kwa le Antiokia a vapizani va nga sangula kona a ku vitanwa aku maKristu.

Mitiro 11:29

A vapizani va lo vumelana, lezaku va ta rumela a vamakabye lava va nga hi le Judia a za ku va vuna, munwe ni munwani a nyika kukotisa a ntamu wakwe.

Mitiro 13:43

Laha a hlengeletano yi nga wa hangalakile, a linyingi la vaJuda ni vaproselita va chavako Nungungulu, va lo lanzela Paule na Barnabasi, lava va nga wulawula kabye, va va khongotela lezaku va namarela tipswalweni ta Nungungulu. Xip. 11:23; Tit. 2:11; 1 Ped. 5:12

Mitiro 14:20

Kanilezi laha a vapizani va nga yimile va mu ranzela, i lo vuka a enghena mutini; hi manziko wa kona i lo suka aya Derbe zinwe na Barnabasi.

Mitiro 14:28

Zonake va lo tshama laho a xikhati xo leha zinwe ni vapizani.

Mitiro 15:32

Judasi na Silasi, lezi va nga hi vaprofeti, va lo luleka vamakabye hi magezu yo tala, va va tiyisa. Xip. 14:22; 18:23

Mitiro 15:41

I lo tsemakanya Siria ni Kilikia, na a tiyisa mabandla.

Mitiro 18:23

Na a tshamile laho a xikhati xo kari, i lo suka a ya tsemakanya tikweni ga le Galatia, ni le Frigia, na a tiyisa vapizani vontlhe. Gal. 1:2; 4:14; Xip. 14:22; 15:32

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Mitiro 9:16

hakuva nzi ta mu komba zontlhe lezi a ta nga xaniseka ha zona hi kota ya vito ga mina. Xip. 20:23; 21:11

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

1 Va le Korinte 1:8

loyi a ta nga mu tiyisa kala magumeso, lezaku mu kumeka na mu nga hi na kusoleka a sikwini ga Hosi ya hina Jesu Kristu. 1 Tes. 5:23; 2 Tes. 3:3

Va le Filipi 1:29

Hakuva hi kota ya Kristu mu nyikilwe a thomo a kuva mu kholwa, na ku nga hi lezi ntsena, kanilezi mu nyikilwe a thomo ga ku xaniseka hi kota va vena. Miti. 5:41; Rom. 5:3; Efe. 2:8

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

2 Timote 3:12

Hakunene vontlhe lava va ranzako ku hanya hi wutomi ga wukhozeli legi gi nga ka Kristu Jesu, va ta xaniswa. Mat. 16:24; Joh. 17:14; Miti. 14:22; 1 Kor. 15:19

1 Pedro 2:21

Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Pedro 5:9

Mu kaneteni hi kutiya kukholweni ka nwina, na mu tiva lezaku a kuxaniseka ka kunghahi ku humelela a vamakabye va nwina vontlhe va nga lomu misaveni. Miti. 14:22; Jak. 4:7

2 Pedro 1:11

hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.

Juda 1:3

Varanzekako, kota lezi nzi pangamileko a ku mu tsalela hi mhaka ya kukholwa ka hina hontlhe, nzi yimelwe hi ku mu tsalela nzi mu khongotela lezaku mu lwela a kukholwa loku ku nyikilweko kanwe ka vobasa. Fil. 1:27; Tit. 1:4

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9