Mitiro 14:15 - Tshwa Bible

¹⁵ vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 14:15 Mawu Ofanana

Genesisi 1:1

A kusanguleni Nungungulu i lo vanga tilo ni misava.

Genesisi 41:16

Josefa i lo hlamula Faro, aku: A hi mina, Nungungulu hi yena a to hlamula khwatsi ka Faro.

1 Tihosi 16:13

hi kota ya zionho zontlhe za Baaxa, ni zionho za Ela nʼwana wakwe, lezi va zi mahileko ni lezi va nga onhisa ha zona va ka Israeli, va zangarisa Jehova a Nungungulu wa vaIsraeli hi ku khozela a zifananiso zabye za hava.

1 Tihosi 16:26

I lo lanzela tontlhe tindlela ta Jeroboamu nʼwana Nebate, ni xionhweni xakwe lexi a onhisileko ha xona va ka Israeli, va zangarisa Jehova Nungungulu wa ka Israeli hi zifananiso zabye za hava.

2 Tihosi 19:16

Jehova, phuhunha a ndleve ya wena, uzwa! Jehova, vulula a mahlo ya wena u cuwuka; uzwa a timhaka ta Senakeribe, leti a ti rumeleko ku ta rukatela a Nungungulu loyi a hanyako.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

Tisimu 115:15

Nwina mu katekisilwe hi Jehova, Loyi a mahileko a tilo ni misava. Mat. 25:34

Tisimu 124:8

A kuvunwa ka hina ku le vitweni ga Jehova, Loyi a nga maha tilo ni misava.

Tisimu 31:6

Nza venga lava va namarelako ka vanungungulu va mawunwa; Mina nza tsumba Jehova.

Tisimu 33:6

A matilo ma mahilwe hi gezu ga Jehova, Ni yimpi yontlhe ya wona hi kuhefemula ka nomu wakwe:

Eksodusi 20:11

Hakuva hi ntlhanu wa masiku hi ginwe, Jehova i mahile tilo ni misava, ni bimbi, ni zontlhe zi nga ka zona; kanilezi i lo humula hi siku ga wuntlhanu ni mambiri; hikwalaho Jehova i katekisile a siku ga sabado a gi basisa. Gen. 2:2

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:7

Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Jona 2:8

Lava va khatalelako zahava, Va tsika Nungungulu wabye wa tipswalo.

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Johani 5:26

Hakuva kota lezi Dadani a nga ni wutomi nzeni kakwe, hizalezo i nyikile Nʼwana a kuva ni wutomi nzeni kakwe.

Johani 7:18

Loyi a wulawulako hi za wutsumbu gakwe, i lava wudzunzo ga yena nwinyi; kanilezi loyi a lavako ku dzunza loyi a mu rumileko; hi yena a gonzisako zinene, ku hava a kungalulami ka yena. Xip. 5:41; 8:50

Mitiro 10:26

Kanilezi Pedro i lo mu vuxa, aku: Suka, u yima, minawu nzi munhu kota wena. Ekso. 34:14; Kol. 2:13

Mitiro 13:32

Hina ha mu nehela a mahungu yo saseka ya xitsumbiso lexi xi nga mahiwa ka vakokwani, Gen. 3:15; 12:3; 22:18; Rom. 4:13

Mitiro 14:21

Laha va nga wa kanele a ivangeli mutini lowo, va maha vapizani vo tala, va lo tlhelela Listra, ni le Ikoniume, ni le Antiokia,

Mitiro 14:7

va ya kanela ivangeli kona.

Mitiro 16:30

a va humesa, aku: Tihosi, nzi fanele ku maha yini kasi nza hanyiswa ke? Lu. 3:10; Xip. 2:37

Mitiro 27:10

aku ngalo kabye; Vavanuna, nza wona lezaku a pfhumba legi ga taru gi tava ni mhango ni kulahlekelwa ka hombe; a nzi wuli hi nzhwalo ni taru ntsena, kanilezi ni kuhanya ka hina kambe.

Mitiro 27:21

Zonake lezi ku nga hi kale na va nga gangi nchumu, Paule i lo yima xikari kabye, aku: Vavanuna, loku mu wa nzi ingisile, ngha mu nga sukangi le Kreta, mu ta kuma a mhango leyi ni kulahlekelwa loku.

Mitiro 27:25

Hikwalaho, vavanuna, tiyanihlana; hakuva nza tsumba ka Nungungulu, lezaku ku ta maheka kota lezi ku wulawulileko ka mina. Lu. 1:45; Rom. 4:20, 21; 2 Tim. 1:12

Mitiro 4:24

Vona na va zi zwile, va lo tlakusa magezu yabye ka Nungungulu hi mbilu yinwe, vaku ngalo: Hosi, wena loyi u nga maha a tilo ni misava ni bimbi, ni zontlhe lezi zi nga ka zona; 2 Tih. 19:15; Ekso. 20:11; Jer. 32:17

Mitiro 7:26

Hi siku gi gamelako i lota kabye na va kari va holova, a lava ku va lamula, aku: Madota, mu vamakabye; hi yini mu vukelanako ke?

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Va le Efesusi 4:17

Nzi laya ni ku tiyisa Hosini, nziku: Ngha mu nga ha fambi kota vamatiko, lava va fambako maalakanyweni yabye ya hava,

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 3:15

kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Jakobe 5:17

Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 19:19

Nzi lo wona xihari ni tihosi ta misava, ni mabutho ya tona, na va tsombene a kulwa ni loyi a khileleko haxini ni yimpi yakwe.

Kuvululelwa 22:9

Yiku ka mina: Hi nga wona, u nga mahi lezo. Nzi nanza khwatsi hi wena ni vamakabye va wena a vaprofeti, ni lava va hlayisako a timhaka ta legi bhuku: khozela Nungungulu. Xip. 19:10

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

1 Samueli 12:21

Mu nga dzuki mu hambuka, mu lanzela a zilo zi nga nyawuliko, lezi zi nga vuniko nchumu, ni lezi zi nga ponisiko, hakuva zilo zi nga nyawuliko.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.