Mitiro 13:32 - Tshwa Bible

³² Hina ha mu nehela a mahungu yo saseka ya xitsumbiso lexi xi nga mahiwa ka vakokwani, Gen. 3:15; 12:3; 22:18; Rom. 4:13

Mitiro 13:32 Mawu Ofanana

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Genesisi 22:18

Ni lezaku hi pswalo wa wena a matiko wontihe ya misava ma ta katekiswa, hakuva wena u lo ingisa a gezu ga mina. Miti. 3:25; Gal. 3:8

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Isaya 11:1

Lomu ka xibho xa Jese ku ta huma a hluke, Ni ximilwa xi ta huma hi le mitswini yakwe, xi pswala mihanzu.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 41:27

Hi mina wo ranga nzi byelileko Zioni, nziku: Hi valavo, hi valavo! Nzi ta nyika Jerusalema munwe a kanetako mahungu yo saseka.

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 2:10

A ngelosi yiku ngalo ka vona: Mu nga chavi, hakuva nza mu bikela a mahungu ya kutsaka ka hombe, loku ku ta ngava ka vanhu vontlhe. Gen. 12:3; Mat. 28:19; Mar. 1:15

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 13:23

Hi ka pswalo wa loyi munhu, Nungungulu i humesele Israeli a Muhanyisi kotisa xitsumbiso, a nga Jesu. Isa. 11:1; Lu. 1:32; Rom. 1:3; 2 Sam. 7:12

Mitiro 13:38

Hikwalaho, vamakabye, ngha zi tiveka ka nwina, lezaku ha yena ku biwa hungu ka nwina hi kutsetselelwa ka zionho.

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 26:6

Makunu nzi yimile laha nzi kecariwa hi kota ya ku tsumba a xitsumbiso lexi a vakoko va hina va tsumbisilweko xona hi Nungungulu; Gen. 3:15; 49:10; 2 Sam. 7:12; Isa. 7:14

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 5:42

A va tsikangi a ku kanela wontihe masiku lomu tempeleni ni le kaya, va gonzisa hi Jesu lezaku hi Kristu.

Va le Roma 1:2

leyi Nungungulu a nga yi tsumbisile a kaleloko hi vaprofeti vakwe lomu Mitsalweni yo basa; Tit. 1:2

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Va le Roma 4:13

Hakuva a xitsumbiso lexi xi nga mahiwa ka Abrahama ni pswalo wakwe, lezaku i tava mugi wa tshomba ya misava, a xi mahiwangi ka yena hi nayo, kanilezi hi kota ya kululama ka kukholwa. Gen. 12:3; 22:17; Gal. 3:29

Va le Roma 9:4

Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32

Deuteronome 18:15

Jehova Nungungulu wa wena i ta ku vuxela muprofeti wo kota mina xikari ka vamakabye va wena, loyi mu ta mu ingisa. Joh. 1:45; Miti. 3:22; 7:37