Mitiro 13:22 - Tshwa Bible

²² Kanilezi i lo mu susa, a yimisa Davida a kuva hosi yabye, loyi Nungungulu a nga maha wukustumunyu ha yena, aku: Nzi mu kumile Davida nʼwana Jese, a nga munhu wa mbilu ya mina, loyi a ta nga maha kontlhe kuranza ka mina. 1 Sam. 16:1, 13; Tis. 89:20

Mitiro 13:22 Mawu Ofanana

2 Samueli 2:4

A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.

2 Samueli 7:15

Kanilezi a wunene ga mina gi nga ta suka ka yena, khwatsi hi lezi nzi gi susileko ka Saule, loyi nzi mu susileko mahlweni ka wena.

2 Samueli 7:8

Hikwalaho u ta mu byela lezo Davida, a nanza ga mina, uku; Jehova wa tiyimpi i ngalo: Mina nzi ku tekile lomu wuriselweni, ni xikari ka tiyivu kasi wena u fela ku maha murangeli wa vanhu va mina, va nga vona va ka Israeli.

1 Tihosi 15:3

I lo maha zontlhe zionho lezi zi mahilweko hi raru wakwe na a nga se fuma. A mbilu yakwe yi wa nga mbhelelangi ka Jehova Nungungulu wakwe, khwatsi hi mbilu ya dadani wakwe Davida.

1 Tihosi 15:5

Hakuva Davida i wa mahile kululama mahlweni ka Jehova; a nga hambukangi wontihe masiku ya kuhanya kakwe ka zontlhe lezi a nga wa leletelwe, ahandle ka mhaka ya Uria a muHiti.

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

1 Kronekele 2:12

Boazi a beleka Obedi, Obedi a beleka Jese,

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Jeremia 33:21

zonake a xivumelwano xa mina zinwe na Davida a nanza ga mina xi nga tshoveka, lezaku a ngave na nʼwana wo fuma xitshanwini xakwe xa wuhosi; zinwe ni vaLevi va nga vapristi lava va nzi tirelako.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Mitiro 15:8

Nungungulu loyi a tivako timbilu, i lo va mahela wukustumunyu hi ku va nyika a Moya wa ku Basa, kota lezi a nga nyika ka hina. 1 Kro. 28:9; Jer. 11:20; Xip. 10:44

Mitiro 7:46

loyi a nga kuma thomo mahlweni ka Nungungulu, a kombela a kuva a akela Nungungulu wa Jakobe a yindlu. 1 Sam. 16:1

1 Samueli 12:25

Kanilezi loku nwina mu simamisa ku maha kubiha, nwina ni hosi ya nwina mu ta lobyiswa.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 15:26

Samueli i te ngalo kakwe: A nzi na ku famba na wena, hakuva u hoxile a gezu ga Jehova, yenawu Jehova i ku hoxile, kasi u nga ha mahi hosi ya va ka Israeli.

1 Samueli 15:28

Samueli i te ngalo kakwe: Inyamutlha Jehova i hanzule a mufumo wa ka Israeli hehla ka wena, a wu nyikela ka muakelane wa wena, loyi a nga chukwana ku hunza wena.

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.

1 Samueli 28:16

Samueli i te ngalo: Makunu u nzi wutisela yini na u wona lezaku Jehova i sukile ka wena a tlhela a maha nala wa wena?

1 Samueli 31:6

Zinghaho Saule i lofa zinwe ni vana vakwe va vanharu ni muweleli wa matlhari yakwe, ni vanhu vakwe vontlhe, ka gona siku lego ga ginwe.