Mitiro 13:2 - Tshwa Bible

² Na va kari va tira a ntiro wa Hosi, na va yila, a Moya wa ku Basa wu te ngalo: Nzi hambanyiseleni Barnabasi na Saule a ntirweni lowu nzi va viteleko wona. Efe. 3:7, 8; 1 Tim. 2:7

Mitiro 13:2 Mawu Ofanana

1 Kronekele 16:4

I lo yimisa vanwani va ka Levi mahlweni ka arke ga Jehova a ku khozela ni ku dumisa, ni ku bonga Jehova Nungungulu wa ka Israeli.

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Mateu 17:21

Kanilezi a lixaka leli la madimoni a li humeswi, lokuku nga hi kukhongela ni ku yila.

Mateu 6:16

Loku mu yila, mu nga tsuvi khwatsi hi vaxengeteli, hakuva va tshuvika tinghohe tabye, kasi va fela ku wonwa hi vanhu vaku va yila. Hizinene nziku ka nwina, va sina va wu amukele a nchachazelo wabye. Isa. 58:5

Mateu 9:38

Hikwalaho kombelani a Hosi ya kutshovela, lezaku yi rumela a zitiri kutshoveleni ka yona.

Luka 10:1

Anzhako ka lezo, a Hosi yi lo yimisa a vanwani va 70 wa vapizani, yi va ruma ha vambiri vambiri mahlweni ka yona, a mitini yontlhe ni matlhelo wontihe laha a ta nga famba kona. Mat. 10:1; Mar. 6:7

Luka 2:37

zonake i wa tshamile a hi noni a 84 wa malembe. I wa nga suki le tempeleni, na a khozela hi ku yila ni mikhongelo a wusiku ni mumu. Miti. 26:7; 1 Tim. 5:5

Mitiro 10:19

Kota lezi Pedro a nga ha alakanya hi xiwoniso, a Moya wuku ka yena: Languta, a vanhu vanharu va ku lava.

Mitiro 10:30

Korneliu i te ngalo: Hi mune wa masiku ma hunzileko, hi hora yaleyi nzi wa khongela lomu ndlwini ya mina; zonake ku lo yima munhu mahlweni ka mina, na a ambele tinguwo to basa,

Mitiro 13:3

Zonake loku va yilile ni ku khongela, va lo va tlhateka mandla, va va tsika va famba.

Mitiro 13:4

Vona na va rumilwe hi Moya wa ku Basa, va lo relela vaya Selukia; va suka laho hi taru vaya Kupero.

Mitiro 14:26

ku suka hi laho va loya Antiokia hi taru, ku nga laha va nga nyikelwe kona tipswalweni ta Nungungulu a kuya ntirweni lowu va wu hetileko.

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Mitiro 22:21

Aku ngalo ka mina; Famba, hakuva nzi ta ku rumela kule, uya ka vamatiko. Xip. 9:15; 13:2; Rom. 1:5; 1 Tim. 2:7

Mitiro 4:36

Josefa, loyi a nga chuliwa hi vapostoli ku ngalo hi Barnabasi, lezo hi ku ngalo, Mukhongoteli, loyi a nga hi muLevi, a pswalelweko le Kupero,

Mitiro 6:4

Kanilezi hina hi ta simamisa hi pinyamela kukhongeleni, ni ntirweni wa mhaka. Xip. 2:42

Mitiro 8:29

A Moya wuku ngalo ka Filipu: Famba, u tshinelela a kareta leyiya.

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Va le Roma 15:16

lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7

1 Va le Korinte 12:11

Kanilezi zontlhe lezi zi tiriwa hi walowo Moya munwe, lowu wu avelako ka munwe ni munwani hi laha wu ranzako ha kona. Rom. 12:6-8; 2 Kor. 10:13; Maheb. 2:4

1 Va le Korinte 7:5

Mu nga tsonani, saseka loku mu vumelana hi xikhati xo kari, kasi mu fela ku ti nyikela kukhongeleni, mu tlhela mu tlhangana kambe, lezaku Satani a nga mu ringi hi kuhluleka ka nwina a ku ti khoma. 1 Tes. 3:5

2 Va le Korinte 11:27

Nzi wa hi ni mitiro yo tala ni kukarateka, nzi pileka zikhati zinyingi, nzi hi ni ndlala ni tora, nzi yila zakuga zikhati zinyingi, nzi xaniseka hi xirame ni wuna. 1 Kor. 4:11

2 Va le Korinte 6:5

ni kubiweni, ni le mapaxweni, ni le mawoyongeni, ni kupinyameni, ni le kurinzeleni, ni kuyileni ka zakuga,

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

Va le Efesusi 3:7

leyi mina nzi nga mahiwa xitiri xa yona, hi kota ya xinyikiwo xa tipswalo ta Nungungulu leti nzi nyikilweko tona hi kutira ka ntamu wakwe. Rom. 15:18

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Va le Kolosi 4:17

Wulani ka Arkipusi, muku: Chela kota hi xikhundla lexi u xi amukeleko Hosini, lezaku u tira lezi zi lavekako ka xona. 1 Tim. 4:6; File. 2

1 Timote 2:7

legi nzi nga yimiswa a kuva mukaneli ni mupostoli wa gona (nzi wula zinene, a nzi hembi wunwa), a kuva mugonzisi wa vamatiko hi kukholwa ni zinene.

2 Timote 1:11

leyi nzi nga yimiswa a kuva mukaneli ni mupostoli ni mugonzisi wa yona.

2 Timote 2:2

Lezi u zi zwileko ka mina mahlweni ka vakustumunyu vanyingi, zi veke ka vavanuna va tsumbekileko, lezaku ya fela ku zi kota ku gonzisa vanwani. 1 Tim. 1:18

2 Timote 4:11

Hi Luka yece a nga na mina. Tana na Marku, hakuva wa nzi vuna nguvu ntirweni. Miti. 12:25; 15:37; Kol. 4:10

2 Timote 4:5

Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

Maheberu 5:4

Kambe a ku na munhu a ti tekelako a xikhundla lexi, sine loku a vitanilwe hi Nungungulu, kota yena Aroni. Ekso. 28:1; 1 Sam. 13:9; Joh. 3:27

1 Samueli 2:11

Elkana i lo tlhelela kaya kakwe le Rama. A nwanana a sala a vunetela ntirweni wa Jehova mahlweni ka mupristi Eli.