Mitiro 13:10 - Tshwa Bible

¹⁰ aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Mitiro 13:10 Mawu Ofanana

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

2 Kronekele 17:6

A mbilu yakwe yi lo tiya lomu tindleleni ta Jehova, a kala a susa matshamu ma tlakukileko ni zifananiso za Axtarte lomu tikweni ga va ka Juda.

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Jeremia 23:36

A nzhwalo wa Jehova mu nga ta ha wu kumbuka kambe; hakuva a mhaka ya munwe ni munwani yi tava nzhwalo wakwe; kota lezi mu soholotileko a timhaka ta Nungungulu a hanyako, ta Jehova wa tiyimpi a Nungungulu wa hina.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Mateu 13:38

a simu hi tiko; a mbewu yi nene hi vana va mufumo; ni nyasavari hi Vana va loyi wa kubiha; Gen. 3:15; Lu. 24:47; Miti. 13:10

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Luka 11:39

A Hosi yi te ngalo kakwe: Kunene nwina vaFarisi mu hlaza lahandle ka gombe ni ngelo; kanilezi lomo nzeni mu tele hi kuyiva ni kubiha. Mat. 23:25; Tit. 1:15

Luka 11:52

Khombo a give ka nwina, vagonzisi va nayo; hakuva mu susile a pfhungulo ya wutivi; nwina wutsumbu a mu enghenangi, ni lava va nga kari va enghena mu va tsimbetelo. Mat. 23:13

Johani 1:23

Yena aku: Mina nzi gezu ga loyi a bako hungu xiwuleni, aku: Lulametani a ndlela ya Hosi, kota lezi a nga wula muprofeti Isaya. Isa. 40:3; Mat. 3:3; Lu. 3:4

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 20:30

Na kona xikari ka nwina ku ta vuka a vanhu, lava va kanelako a zilo zi gombonyekileko, kasi ku ti kokela vapizani. 1 Tim. 1:20; 1 Joh. 2:19

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

Va le Galatia 1:7

Kunene ku hava yinwani ivangeli, kanilezi va kona vanhu vanwani lava va mu vilinganyisako, va xuvako ku onha a ivangeli ya Kristu. Miti. 15:1; 2 Kor. 11:4

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14