Mitiro 12:11 - Tshwa Bible

¹¹ Laha Pedro na a tilimukile, aku ngalo: Makunu nza zi tiva hakunene, lezaku a Hosi yi rumile a ngelosi ya yona, yi ta nzi tlhatlhisa canjeni ga Herodi, ni ka zontlhe lezi va nga zi langutele a vaJuda. Tis. 34:7; 2 Ped. 2:9

Mitiro 12:11 Mawu Ofanana

Genesisi 15:13

Na yena i te ngalo ka Abrama: Zi tive khwatsi lezaku a pswalo wa wena wu tava valuveli a tikweni legi gi nga hiko gabye, va ta ya khoza; va ta xaniswa 400 wa malembe;

Genesisi 18:13

Jehova i te ngalo ka Abrahama: O hlekela yini Sara, lezo a nge ngalo, Nweno nza ha ta kuma nwanana na nzi khosahele xana?

Genesisi 26:9

Abimeleki i lo vitana Isaka, aku kakwe: Languta, yena i sati wa wena hakunene; u wulele yini ku ngalo makwenu ke? Isaka aku ngalo kakwe: Hakuva nzi lo chava ku dawa hi kota yakwe.

2 Samueli 22:1

Davida i lo wulawula ka Jehova a timhaka ta leli lisimu, a siku lego a nga poniswa mandleni ya vontlhe valala vakwe, ni mandleni ya Saule, aku:

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

Joba 31:31

Loku a vanhu va tenda ga mina va wa nga wuli, vaku: Himani loyi a nga xuriko hi tinyama takwe?

Joba 5:19

I ta ku hlanguta zikaratweni ntlhanu wa zikhati ni xinwe: Ina, ni ntlhanu wa zikhati ni zimbiri cima a kubiha ku nga ta ku khumba.

Tisimu 109:31

Hakuva i yimile canjeni ga xinene ga loyi a vumalako, A mu ponisa ka lava va lamulako muhefemulo wakwe.

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 33:19

Lezaku i ta hlanguta mihefemulo yabye kufeni, Ni ku va hanyisa xikhatini xa ndlala.

Tisimu 34:22

Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Tisimu 41:2

Jehova i ta mu lonzowota a mu hanyisa, I ta katekiswa lomu tikweni; U nga ta mu nyikela kuranzeni ka valala vakwe. Dan. 4:24

Tisimu 97:10

Nwina lava mu ranzako Jehova, vengani kubiha; Wa lonzowota a mihefemulo ya vabasileko vakwe, Wa va ponisa mandleni ya vakubiha. Am. 5:14; Joh. 10:28; Rom. 12:9

Danieli 3:25

I lo engeta aku: Langutani! nzi wona mune wa vanhu va tlhatlhilweko, na va fambafamba xikari ka nzilo, kanilezi a va bayiswi. A dzumba ga loyi wa wumune gi woneka kota ga nʼwana wa nungungulu.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Luka 15:17

Kanilezi laha a nga ti alakanya, aku ngalo: Nweno a zitiri leʼzinyingi za dadani zi na ni kuga ku eneleko ni ku hunza, kasi mina nzofa laha hi ndlala!

Mitiro 12:7

Languta, a ngelosi ya Hosi yi lo yima kakwe, ni kuwonekela ku woninga lomo ndlwini; yi lo mu dukunya Pedro laha reveni, yi mu vuxa, yiku; Hatlisa u suka; ni mangenje ma lowa hi le mandleni yakwe. Maheb. 1:14; Xip. 5:19

Mitiro 24:27

Kanilezi na ku hunzile malembe mambiri, Porkiu Festu i lo enghena xikhundleni xa Felisi; kanilezi Felisi na a lava ku khesiwa hi vaJuda i lo siya Paule makhotsweni. Xip. 12:3; 25:9, 14

Mitiro 25:9

Kanilezi Festu na a lava ku khesiwa hi vaJuda, i lo mu wutisa, aku: Wa zi ranza kuya Jerusalema, u ya lamulwa kona mahlweni ka mina hi timhaka leti ke? Xip. 24:27; 25:20

Mitiro 5:19

Kanilezi a ngelosi ya Hosi yi lo vulula a tivati ta paxo ni wusiku, yi va humesa, yiku: Tis. 34:7; Xip. 12:7; 16:26; Maheli. 1:14

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13