Mitiro 10:43 - Tshwa Bible

⁴³ Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 10:43 Mawu Ofanana

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Marku 16:16

Loyi a kholwako a bapatizwa i ta hanyiswa; kanilezi loyi a nga kholwiko i ta lamuliwa. Joh. 12:48; Miti. 2:38; Rom. 10:9

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Johani 1:45

Filipu i lo kuma Nataneli, aku kakwe: Hi mu kumile loyi Mosi a nga tsala ha yena nayweni, kambe ni vaprofeti, hi Jesu wa le Nazareta, a nʼwana Josefa. Gen. 3:15; Deut. 18:18; Isa. 4:2; Mika 5:2

Johani 20:31

Kanilezi lezi zi tsalilwe, aku kasi mu fela ku kholwa lezaku Jesu hi Kristu, a Nʼwana wa Nungungulu; ni ku hi kukholwa mu fela kuva ni kuhanya vitweni gakwe. Lu. 1:4; Xip. 3:15, 16; 1 Ped. 1:8, 9

Johani 5:24

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini. Xip. 3:16, 18; 6:40, 47; 1 Joh. 3:14

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 26:22

Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. Lu. 24:27, 44; Xip. 24:14; Joh. 5:46

Mitiro 3:16

Hi kukholwa vitweni gakwe, gona vito gakwe gi mu nyikile ntamu loyi munhu, loyi mu mu wonako, mu mu tiva; ina, a kukholwa ka Jesu ku mu hanyisile mahlweni ka nwina nwentlhe. Mat. 9:22; 1 Ped. 1:21

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Va le Roma 10:11

Hakuva a mutsalo wu ngalo: Kani hi wihi a kholwako kakwe a nga tawa tingana. Isa. 28:16; Jer. 17:7

Va le Roma 3:21

Kanilezi makunu ku wonekelisilwe a kululama ka Nungungulu a handle ka nayo, na ku kustumunyelwe hi nayo ni vaprofeti, Maheb. 11:4; 1 Ped. 1:10; 2 Ped. 1:1

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

Va le Roma 8:1

Hikwalaho a ku na kukoniwa ka lava va nga ka Kristu Jesu. Gal. 5:16

Va le Roma 8:34

Himani loyi a ta nga va kona ke? Kristu Jesu loyi a ngafa a tlhela a vuka hi ka vafileko, loyi a nga canjeni ga xinene ga Nungungulu, hi yena loyi a hi khongelelako. Maheb. 7:23

Va le Galatia 3:22

Kanilezi a mutsalo wu valele zontlhe kuonheni, kasi lava va kholwako va nyikiwa a xitsumbiso hi kukholwa ka Jesu Kristu.

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Kolosi 1:14

loyi hi nga ni kutirulwa ha yena, ku nga kutsetselelwa ka zionho za hina.

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9