Mitiro 1:5 - Tshwa Bible

⁵ hakuva Johani, yena i lo bapatiza hi mati, kanilezi nwina mu ta bapatizwa hi Moya wa ku Basa anzhako ka masiku ma tsongwani. Xip. 2:4; 11:16; Joeli 2:28, 29

Mitiro 1:5 Mawu Ofanana

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

Mateu 3:6

va lo bapatizwa hi yena congweni wa Jordani, va wulela zionho zabye. Miti. 19:4, 18

Marku 1:8

Mina nzi mu bapatizile hi mati, kanilezi yena i ta mu bapatiza hi Moya wa ku Basa. Isa. 44:3; Miti. 1:5; 2:4

Luka 3:16

Johani i lo hlamula, aku ngalo ka vona vontlhe: Mina nzi mu bapatiza hi mati; kanilezi wa hata loyi a nga ni ntamu ku nzi hunza, loyi a tingoti ta zilato zakwe nzi nga faneliko ku ti tlhatlha; i ta mu bapatiza hi Moya wa ku Basa ni nzilo. Mat. 3:11

Johani 1:26

Johani i lo va hlamula, aku: Mina nzi bapatiza hi mati; kanilezi i kona munwe xikari ka nwina loyi mu nga mu tiviko, Mal. 8:1; Mat. 3:11

Johani 1:31

Mina nzi wa nga mu tivi; kanilezi nzi tile na nzi bapatiza hi mati, lezaku kasi i ta tivekiswa ka Israeli. Mal. 3:1

Johani 1:33

Mina nzi wa nga mu tivi; kanilezi loyi a nzi rumileko a ku bapatiza hi mati, i te ngalo ka mina: Loyi u ta nga wona a Moya wu relela wu tshama hehla kakwe, hi yena a bapatizako hi Moya wa ku Basa. Mat. 3:11; Miti. 2:4

Mitiro 10:45

Ni makholwa wontihe ya zitshiva, lawa ma nga tile na Pedro, ma lo hlamala hilezi ni vamatiko va chululelwa a xinyikiwo xa Moya wa ku Basa.

Mitiro 19:4

Paule aku ngalo: Johani i lo bapatiza hi kubapatiza ka kuhunzuluka, na a byela vanhu lezaku a va kholwe ka loyi a ta ngata hi lenzhako kakwe, hi lezaku ka Jesu. Mat. 3:11; Xip. 1:5; 11:16; 13:24, 25

1 Va le Korinte 12:13

Hakuva hi ka Moya lowo wa munwe hina hontlhe hi lo bapatizelwa a kuva miri munwe, hambu hi hi vaJuda kutani vaGreki, hambu hi hi tikhumbi kutani vatlhatlhekileko; hina hontlhe hi lo cheliwa Moya munwe. Isa. 44:3-5; Gal. 3:28; Kol. 3:11

Titusi 3:5

i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21