Mitiro 1:24 - Tshwa Bible

²⁴ Zonake va lo khongela, vaku ngalo: Hosi, wena loyi u tivako a timbilu ta vanhu vontlhe, komba loyi wena u mu hlawulileko ka lava vambiri, Joh. 2:25; Maheb. 7:13; Kuv. 2:23

Mitiro 1:24 Mawu Ofanana

1 Tihosi 8:39

va ingise na u hi kwaseyo tilweni laho u tshamileko kona, u va tsetselela u tira; u nyika ka munwe ni munwani kotisa tindlela takwe, kota lezi wena u tivako a mbilu ya munhu, hakuva hi wena wece u tivako timbilu ta vontlhe vanana va vanhu, Tis. 7:10; Jer. 11:20; 17:10

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Mavingu 15:11

A Xeole ni Abaddoni zi le kuwoneni ka Jehova; guvunguvu a timbilu ta vana va vanhu. Joba 26:6; Maheb. 4:13

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 20:12

Kanilezi Jehova wa tiyimpi, loyi u ringako a valulamileko, Loyi u wonako a tiswa ni timbilu; Nzi ta wona loku u nzi photela ka vona, Hakuva nzi ku tivisile a mhaka ya mina. 1 Sam. 16:7; Jer. 11:20

Mitsengo 27:16

Jehova, Nungungulu wa mimoya ya tinyama tontlhe, ngha a yimisa a munhu hehla ka tlhangano, loyi a ta nga maha murangeli wabye,

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Mitiro 14:23

Laha na va va hlawulele a masingalakati mabandleni wontihe, hi kukhongela ni kuyila, va lo va nyikela Hosini, leyi va nga kholwa ka yona. Tit. 1:5

Mitiro 15:8

Nungungulu loyi a tivako timbilu, i lo va mahela wukustumunyu hi ku va nyika a Moya wa ku Basa, kota lezi a nga nyika ka hina. 1 Kro. 28:9; Jer. 11:20; Xip. 10:44

Mitiro 6:6

Lava va lo yimiswa mahlweni ka vapostoli; laha na va khongele, va lo tlhateka mandla hehla kabye. Fil. 4:6; Xip. 8:17; 9:17; 1 Tim. 4:14; 5:22

Va le Roma 8:27

Loyi a hlolako timbilu wa ma tiva a maalakanyo ya Moya, hakuva wu khongotelela a vobasa khwatsi hi kuranza ka Nungungulu. 1 Tes. 2:4; Kuv. 2:23

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 14:41

Zonake Saule i te ngalo ka Jehova: Nungungulu wa Israeli! Kombisa zinene za kona! Zonake ku lo khomiwa Jonatani na Saule hi hlolo, a vanhu va pona. Jox. 7:14; Jona 1:7

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34