Mitiro 1:16 - Tshwa Bible

¹⁶ Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Mitiro 1:16 Mawu Ofanana

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

2 Tihosi 15:12

Legi hi gona a gezu legi Jehova a nga byela Jehu, aku: A vana va wena va ta tshama xitshanwini xa wuhosi ga ka Israeli kala xizukulwana xa wumune; zi lo mahisa zalezo.

Tisimu 41:9

Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Mateu 26:14

Zonake a munwe wa vakhume ni vambiri, a tibyako Judasi Iskarioti, i loya ka vapristi va hombe. Mar. 14:10; Lu. 22:3; Joh. 13:2

Mateu 26:47

Na a ha wulawula, Judasi, a munwe wa vakhume ni vambiri, i lota zinwe ni xidlemo xa hombe, xi nga hi ni tisupado ni zigomba, xita hi le ka vapristi va hombe ni masingalakati ya vanhu. Mar. 14:43; Lu. 22:47; Joh. 18:3

Mateu 26:54

Zonake yi ta tatiseka hikuyini a mitsalo, yi nge ngalo zi fanele ku maheka lezi ke? Isa. 53:7

Mateu 26:56

Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Marku 12:36

Kasi Davida i wulile hi Moya wa ku Basa, aku: Hosi yi te ngalo ka Hosi ya mina, Tshama hi le reveni ga mina ga xinene, Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1

Marku 14:43

Zalezo na a ha wulawula, ku lota Judasi, loyi a nga hi munwe wa vakhume ni vambiri, zinwe ni ntlawa wu nga hi ni tisupado ni zigomba, na vata hi ka vapristi ni vatsali ni masingalakati.

Luka 22:47

Na a ha wulawula, ku lo chikela a xidlemo, zinwe ni loyi a vitwako Judasi, a nga hi munwe wa vakhume ni vambiri; yena i lo tshinela ka Jesu kasi ku mu pswopswa. Mat. 26:47; Mar. 14:43; Joh. 18:3

Johani 10:35

Loku a va vitanile aku vanungungulu, vona lava a mhaka ya Nungungulu yi nga tile kabye (ni mitsalo a yi na ku fuva), Rom. 13:1

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Johani 19:36

Hakuva lezi zi lo maheka, kasi wu fela ku tatiseka a mutsalo, lowu wu nge ngalo: Ku nga ta tshobyiwa ni rambu gihwe ka yena. Ekso. 12:46; Mitse. 9:12; Tis. 34:20

Mitiro 1:20

Hakuva ku tsalilwe bhukwini ga Tisimu lezaku: A muti wakwe a wu mahe rumbi, Ngha ku nga ha tshami munhu ka wona; niku: A xikhundla xakwe a xi tekiwe hi munwani. Tis. 69:25

Mitiro 13:15

Anzhako ka kuva na ku gonzilwe a nayo ni vaprofeti, a varangeli va sinagoga va lo va vitana, vaku: Vamakabye, loku mu hi ni mhaka ya ku khongotela vanhu, wulani. Lu. 4:16; Maheb. 13:22

Mitiro 13:38

Hikwalaho, vamakabye, ngha zi tiveka ka nwina, lezaku ha yena ku biwa hungu ka nwina hi kutsetselelwa ka zionho.

Mitiro 15:13

Laha na va miyele, Jakobe i lo hlamula, aku: Vamakabye, nzi ingiseni:

Mitiro 15:7

Anzhako ka kuva na va xuxile nguvu, Pedro i lo suka, aku ngalo kabye: Vamakabye, nwina ma zi tiva lezaku kale Nungungulu na a nzi hlawulile xikari ka nwina, lezaku a vamatiko vazwa a mhaka ya ivangeli hi nomu wa mina, va kholwa.

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

Mitiro 2:37

Laha na va zi zwile, va lo tlhabyiwa timbilwini, vaku ka Pedro ni ka vanwani vapostoli: Vamakabye, hi ta maha yini ke? Zak. 12:10; Lu. 3:10; Xip. 9:6; 16:30

Mitiro 22:1

Vamakabye ni vadadani, ingisani makunu a kutihlamulela ka mina mahlweni ka nwina. Xip. 7:2

Mitiro 23:1

Paule i lo cuwukisisa a hubye, aku ngalo: Nzi hanyile mahlweni ka Nungungulu na nzi hi ni livalo li nene kala siku ga nyamutlha. 1 Kor. 4:4; 2 Kor. 1:12; 2 Tim. 1:3

Mitiro 23:6

Kanilezi laha Paule a nga zi tivile lezaku vanwani mbaSadusi, ni vanwani vaFarisi, i lo vitana hubyeni, aku: Vamakabye, mina nzi muFarisi, nʼwana wa vaFarisi; nzi kecarilwe hi kota ya kutsumba ka mina kuvukeni ka vafileko. Fil. 3:5; Xip. 24:15; 26:5

Mitiro 28:17

Anzhako ka masiku manharu, Paule i lo ramba a vahombe va vaJuda; laha va nga tsombene i te ngalo kabye: Vamakabye, hambu lezi nzi nga mahangiko nchumu xo vukela vanhu va hina, kutani a mikhuwo ya vadadani va hina, nzi lo khonʼwa le Jerusalema, nzi nyikelwa mandleni ya vaRoma.

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

Mitiro 7:2

Stefani aku ngalo: Vamakabye ni vadadani, nzi ingiseni. A Nungungulu wa kungangamela i lo woneka ka koko wa hina Abrahama, laha a nga wa hi le Mesopotamia, na a nga se ku aka Harani,

1 Pedro 1:11

na va lavisisa lezaku xikhati muni, kutani xi tava xa kuyini a xikhati lexi xi nga kombiwa hi Moya wa Kristu lowu wu nga hi ka vona, laha wu nga kustumunya hi mahlweni hi zixaniso za Kristu, ni kungangamela loku ku ta nga lanzela hi lenzhako. Isa. 53:3; Dan. 9:26; 2 Ped. 1:21

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

2 Pedro 2:21

Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.