Mikosi 5:7 - Tshwa Bible

⁷ Vadadani va hina va onhile, makunu a va ha hi kona, Hi hina hi rweleko a zigoho zabye. Ekso. 20:5; Ezek. 18:2

Mikosi 5:7 Mawu Ofanana

Genesisi 42:13

Vaku kakwe: Hina malanza ya wena hi 12 wa vavanuna, a vana va munhu munwe le tikweni ga le Kanani; loyi wa tsongwani i sele kaya ni dadani wa hina, kanilezi munwani a nga hi kona.

Genesisi 42:36

Jakobe a raru wabye, aku ka vona: Ma nzi mbhetela vanana! Josefa a nga ha hi kona, yenawu Simoni a nga ha hi kona, lezi mu lava ku nzi tekela na Benjamini. Zontlhe zo nzi xanisa mina!

Joba 7:21

Hikuyini u nga tsetseleliko zihambunyeto za mina, U susa kugoha ka mina ke? Hakuva lokuloku nzi ta etlela tshurini, Loku u nzi lava ni mixo, nzi ta vumaleka.

Joba 7:8

A mahlo ya yena loyi a nzi wonileko, ma nga ta ha nzi wona kambe; A mahlo ya wena ma ta nzi languta, kanilezi nzi nga ha tava kona.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Jeremia 14:20

Hina ha tiva a kubiha ka hina, O Jehova, Ni zigoho za vararu va hina; Hakuva hina hi ku onhele.

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 31:15

Jehova i ngalo: A huwa ya zwala le Rama, Ya hlomulo ni mihloti ya xiviti, Hi Rakeli a rilelako zihlangana zakwe, Wa ala ku chavelelwa kota lezi a vana vakwe va teku bhi.

Jeremia 31:29

A ka lawo masiku va nga ta ha wula kambe, vaku: A vadadani va gile a mauva laʼmambisi, a meno ya vanana ma ni wureremeti.

Ezekieli 16:58

Makunu u rwala a wubemba ga wena ni manyalataniso ya wena, ku wula Jehova.

Ezekieli 18:2

Hiyini mu wulako a vingu legi ha Israeli, muku: A vadadani va gile a mauva laʼmambisi, a meno ya vanana ma na ni wureremeti?

Zakaria 1:5

A vadadani va nwina va kwihi? A vaprofeti ke, va hanya kala kupinzuka?

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.