Mikosi 4:22 - Tshwa Bible

²² A tsayiso wa zigoho za wena wu hetekile, wena nhwana wa Zioni; A nga ta ha ku yisa wukhumbini. Wena nhwana wa Edome, a kugoha ka wena ku ta tsayisiwa; Jehova i ta vumbulula a zionho za wena.

Mikosi 4:22 Mawu Ofanana

Tisimu 137:7

Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Jeremia 33:8

Nzi ta va basisa kubiheni kabye kontlhe loku va nzi onheleko ha kona; nzi va tsetselela a zigoho zabye zontlhe lezi va nzi vukeleko ha zona, lezi va nga hambuka ha zona mahlweni mina, Ezek. 36:25; Zak. 13:1; Miti. 10:43

Jeremia 49:10

Hakuva mina nzi runzuwulele Esau, nzi funungule a wuchavelo gakwe, a nga ta ha zi kota ku fihlala. A vana vakwe va lobyisilwe, ni vanakulobye, ni vaakelane vakwe, a nga ha hi kona.

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Mikosi 4:6

Hakuva a xionho xa nhanyana wa tiko ga mina xa hombe ku hunza xionho xa Sodoma, Loyi a nga lobyiswa hi xitshuketi, na a nga tlhatekiwangi mandla ya munhu.

Ezekieli 37:28

A matiko ma ta zi tiya lezaku hi mina Jehova loyi a basisako Israeli, laha a yindlu ya mina yo basa, yi ta ngava xikari kabye kala kupinzuka.

Ezekieli 6:12

Loyi a nga le kule i ta dawa hi ntungu; loyi a nga kusuhani i tafa hi supado; loyi a ta nga sala a vimbezelwa, i ta dawa hi ndlala. A zanga ya mina yi ta tatisekisa lezo hehla kabye.

Obadia 1:10

U ta fenengetwa hi tingana hi kota ya kubiha loku u ku maheleko nakuloni Jakobe, u ta lobyiswa kala kupinzuka.

Malaki 1:3

nzi venga Esau; a zitsunga zakwe nzi lo zi maha marumbi, nzi nyikela a tshomba yakwe ka mahlolwa ya khwati. Jer. 49:17; Rom. 9:13

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.