Mikosi 3:40 - Tshwa Bible

⁴⁰ A hi hlolisiseni hi ringa a mahanyela ya hina, Hi wuya hi tlhelela ka Jehova.

Mikosi 3:40 Mawu Ofanana

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

2 Kronekele 30:9

Hakuva loku nwina mu tlhelela ka Jehova, a vanakuloni ni vana va nwina va tava ni thomo mahlweni ka lava va va khomileko va yiswa wukhumbini, va ta wuyiswa lomu tikweni legi, hakuva Jehova Nungungulu wa nwina i tele hi tipswalo ni wuxinji; cima a nga ta mu fularela loku mu tlhelela ka yena.

Tisimu 119:59

Nzi alakanyela hi mahanyela ya mina, Nzi renzeleta mikonzo ya mina wumbonini ga wena.

Tisimu 4:4

Rurumelani, mu nga onhi; Ehleketani loku mu hi masangweni ya nwina, Mu rutisa. (Sela.)

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Ezekieli 18:28

Hakuva a ehleketako, a tsika zihambunyeto zakwe lezi a zi mahileko, hizinene i ta hanya, a ngafi.

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

1 Va le Korinte 11:28

Hikwalaho ngha munhu a ti hlola yena wutsumbu, zonake age a xibaba ni kunwa a gombe. Gal. 6:4

1 Va le Korinte 11:31

Kanilezi loku hina wutsumbu hi wa ti lamula, ngha hi nga lamulwi. 1 Joh. 1:9

2 Va le Korinte 13:5

Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.