Mikosi 3:39 - Tshwa Bible

³⁹ A munhu loyi a hanyako a nga vilela yini Loku a tsayiswa hi kota ya zionho zakwe ke? Lu. 23:41

Mikosi 3:39 Mawu Ofanana

2 Tihosi 3:13

Elixa i te ngalo ka hosi ya ka Israeli: Xana nzi na ni mhaka muni na wena? Famba ka vaprofeti va raru wa wena, ni ka vaprofeti va nyine wa wena! A hosi ya ka Israeli yiku kakwe: Ahihi, hakuva Jehova i vitanile a tihosi leti ta tinharu a ku ti nyikela mandleni ya vaMoabi.

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

2 Tihosi 6:33

Laha a nga wa ha wulawula navo, a ntsumi wu lo relela, wu taku kakwe: Languta a mhango yi tako hi ka Jehova! Xana nza ha rinzela yini ka Jehova ke?

Ezra 9:13

Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Joba 11:6

I wa ta ku kombisa mifihlakalo ya wutlhari, Legi gi wuyetako ha kambiri lezi u zi tivisako zona. Hikwalaho zi tive lezaku Nungungulu a nga ku tsayisi ku ringana ni kugoha ka wena.

Joba 15:13

Laha kaku wena u hunzula a moya wa wena wu vukela Nungungulu, Ni nomu wa wena wu humesa a timhaka ta kunghaho?

Tisimu 107:17

Zipumbu hi kota ya zihambunyeto zabye, Va lo xanisiwa hi kota ya zigoho zabye.

Mavingu 19:3

A wupumbu ga munhu ga goha mahanyela yakwe; i mbilu yakwe yi vukela Jehova.

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Jeremia 10:19

Yowee! nzi tshovekile! A mbanga ya mina ya panza. Kanilezi nzi ngalo: Hakunene, hi gona khombo ga mina, Nzi fanele a ku gi rwala.

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Levi 26:41

kota lezi minawu nzi hambene navo, nzi va yisa matikweni ya valala vabye; loku a timbilu tabye leti ti nga hiko minkwera ti ti solisa, ni loku va amukela zitsayiso za kuonha kabye,

Levi 26:43

A tiko va ta gi siya goce, gi sala gi ti tsakela hi masabado ya gona, ka xikhati lexo gi ta nga tshama phanga, vona na va hi hava, na vona va taya amukela a tsayiso wa kuonha kabye, hakuva va kanyisile kuleletela ka mina, ni mihefemulo yabye yi nyenyile milayo ya mina.

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Mitsengo 11:11

Zonake Mosi aku ka Jehova; U karatela yini a nanza ga wena; hikuyini u nga nzi zweliko wusiwana, lezi u nzi binzisako hi nzhwalo wa vontlhe vanhu lava ke?

Mitsengo 16:41

Kanilezi hi siku gi gamelako, wontihe tlhangano wa vanana va ka Israeli wu lo sola, wu vukela Mosi na Aroni, wuku: Nwina mu dele a vanhu va Jehova.

Mitsengo 17:12

Zonake a vanana va ka Israeli va te ngalo ka Mosi: Languta hi file, hi lova, hontlhe ha lova.

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13