Mikosi 3:38 - Tshwa Bible

³⁸ A makatekwa ni makhombo hi wumbiri ga wona A ma rumiwangi hi nomu wa Loyi a nga Hehlahehla ke?

Mikosi 3:38 Mawu Ofanana

2 Samueli 16:10

A hosi yi te ngalo: I mhaka muni nzi nga nayo na nwina vafana nzinwina va Zeruia? A rukatele, hakuva Jehova i mu byelile ku ngalo: Rukatela Davida. Himani a ta nga wula, aku: Hi yini u mahako lezo? 1 Tih. 2:8; Joh. 18:11

Joba 2:10

Kanilezi yena aku ngalo kakwe: Wena u wulawulisa ku khwatsi hi munwe wa zipumbu za vavasati. Hi ta amukela ntsena leʼzo saseka hi canjeni ga Nungungulu, hi nga ha amukeli zo biha ke? A ka zontlhe lezo cima Joba a nga gohangi hi milomu yakwe.

Tisimu 75:7

Kanilezi loyi a lamulako hi Nungungulu; I tsongahata munwe, a kulisa munwani: 1 Sam. 2:6; Dan. 4:32; Lu. 1:52

Mavingu 29:26

Vanyingi va hlota a thomo ka hosi; anilezi a kulamulwa ka munhu kuta hi ka Jehova.

Mutshawuteli 7:14

Tsaka hi siku ga makatekwa, kanilezi a sikwini ga hlomulo alakanya lezaku Nungungulu i mahile ginwe ni ginwani, lezaku munhu a nga ta zi tiva lezi zi ta nga humela anzhako kakwe.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Jeremia 32:42

Hakuva Jehova i ngalo: Khwatsi hilezi nzi nehileko a hehla ka lava vanhu a khombo legi ga hombe, hizalezo nzi ta neha hehla kabye wontihe makatekwa lawa nzi va tsumbisileko wona.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11