Mikosi 3:32 - Tshwa Bible

³² Hakuva loku a vanga hlomulo, Wa mahela wuxinji hi wunyingi ga wunene gakwe.

Mikosi 3:32 Mawu Ofanana

2 Tihosi 13:23

Kanilezi Jehova i lo va zwela wusiwana, a va mahela wuxinji, a va languta hi kota ya xivumelwano xakwe zinwe na Abrahama, na Isaka, na Jakobe; a nga lavangi ku va lovisa, kala lezi a nga va hoxangi kule ni nghohe yakwe. Gen. 17:7; Ekso. 2:24; Levi 26:42

Tisimu 103:11

Hakuva khwatsi hi lezi a tilo gi tlakukileko hehla ka misava, Zi tano a wuxinji gakwe ka lava va mu chavako.

Tisimu 30:5

Hakuva a zanga yakwe nja xikhatanyana ntsena, Kanilezi a thomo gakwe gi enela kuhanya kontlhe. A kurila ku ngava kona laha gambyeni, Kanilezi laha mixweni kuva kona litsako. Isa. 54:7; Joh. 16:20; 2 Kor. 4:17

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Eksodusi 2:23

Makunu anzhako ka malembe yo tala, a hosi ya le Gipite yi lofa. A vanana va ka Israeli va wa hi hlomulweni hi kota ya wukhumbi gabye. Va lo rila hi kota ya wukhumbi; a kurila kabye ku lo tlakukela ka Nungungulu. Mitse. 20:16

Eksodusi 3:7

Jehova aku: Nzi wonile kuxaniseka ka vanhu va mina le Gipite, nzi zwile kurila kabye hi kota ya lava va va xanisako; nza tiva a hlomulo wabye.

Isaya 27:8

U mu bile hi mpimo loku u mu hlongole kule, I mu kukuletile hi bhubhutsa gakwe ga ntamu hi siku ga xipupuri xa Mutsuwuka-gambo.

Isaya 54:7

Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Nahume 1:12

Jehova i ngalo: Hambu loku va hi ni ntamu, va hi vanyingi, va ta tsenwa, yena a hunza. Hanibu lezi nzi ku xanisileko, nzi nga ha ta ku xanisa kambe.

Luka 15:20

Yena i lo suka, aya ka raru wakwe. Kanilezi na a ha hi kule, a raru wakwe i lo mu wona, a mu zwela wusiwana; i lo tsutsuma a ya mu wukarela nhanwini, a mu pswopswa. Miti. 2:39; Efe. 2:13, 17

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.