Mikosi 3:26 - Tshwa Bible

²⁶ Zi sasekile akuva munhu a rinzela hi kurula A kuhanyisa ka Jehova.

Mikosi 3:26 Mawu Ofanana

Genesisi 49:18

Jehova, nzi cuwukele ku tirulwa hi wena!

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

Tisimu 119:166

Jehova, nzi langutele kuhanyisa ka wena, Nzi mahile zilayelo za wena. Gen. 49:18; Lu. 2:25, 30

Tisimu 119:174

Jehova, nza navela a kuhanyisa ka wena, A nayo wa wena litsako la mina.

Tisimu 130:5

Nza rinzela Jehova, muhefemulo wa mina wu rinzele; Nza tsumba mhaka yakwe.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 37:7

Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.

Tisimu 52:9

Nzi ta ku bonga kala kupinzuka hakuva wena u zi mahile; A mahlweni ka vahlawulilweko va wena Nzi ta tsumba vitweni ga wena, hakuva gi nene.

Tisimu 54:6

Zonake nzi ta ku phahlela hi matsenya; Nzi dumisa vito ga wena, Jehova, hakuva gi nene.

Tisimu 62:2

Hi yena yece a nga ribye ga mina ni kuhanyiswa ka mina; I khokhola ga mina, nzi nga ta tsekatsekiswa nguvu.

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Tisimu 92:1

Zi sasekile ku khanela Jehova, Ni ku dumisa a vito ga wena, loyi u Hunzeleleko Kutlakuka;

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 14:14

Jehova i ta mu lwela, na nwina mu ta rutisa mu miyela. Deut. 1:30

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

Isaya 30:7

Hakuva a kuvuna ka Gipite ka mahala; Hikwalaho nzi wulako lezaku i Rahabi gi nga vuniko nchumu.

Isaya 7:4

Uku ka yena: Ti wonele, u rutisa; u nga chavi, ni mbilu ya wena yi nga mbheli ntamu hi kota ya zihunyana lezi zimbiri zi tuvikako musi, hikwalaho ka zanga ya Rezini ni ya Siria, ni ya nʼwana Remalia;

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Mikosi 3:27

Zi sasekile akuva munhu a rwala Muyoka wakwe wusweni gakwe. Tis. 119:71; Mat. 11:29

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Va le Galatia 4:18

Kanilezi zi sasekile xontlhe xikhati a ku pinyamelelwa hi zo saseka, na ku nga hi loku nzi hi kona zinwe na nwina ntsena.

Maheberu 10:35

Hikwalaho ngha mu nga lahlekelwi hi kutiya ka nwina, loku ku nga ni nchachazelo wa hombe. Mat. 5:12

Maheberu 3:14

Hakuva hina hi mahile lava va avelweko Kristu, loku hi khomisisa a kutsumba ka hina ko sangula ku tiya kala magumo,

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14