Mikosi 3:24 - Tshwa Bible

²⁴ Jehova xiavelo xa mina, ku wula muhefemulo wa mina, Hikwalaho nzi ta mu tsumba.

Mikosi 3:24 Mawu Ofanana

1 Kronekele 5:20

Va lo vunetelwa kulwa navo; a vaHagrate ni vavuni vabye va lo nyikelwa mandleni yabye, hakuva a xikhati va ngalwa va wa rila ka Nungungulu, zonake yena a va ingisa, hakuva va wa tsumba ka yena.

Joba 13:15

A nga nzi daya, a nzi na ku tsumba zinwani; Kanilezi nzi ta khomisisa hanyela ga mina mahlweni kakwe.

Joba 22:25

Lezo a Nyamintamu i tava nzalama ya wena, I tava siliva yinyingi ka wena.

Tisimu 119:57

Jehova xiavelo xa mina, Nzi wulile lezaku nzi ta hlayisa timhaka ta wena.

Tisimu 130:7

Israeli, tsumba Jehova, Hakuva Jehova i na ni wuxinji, Yena i na ni kutirula ku eneleko. 2 Sam. 24:14

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 16:5

Jehova hi xiavelo xa mina ni gombe ga mina; Hi wena u gongolako a tshomba ya mina.

Tisimu 31:24

Tiyani, mu tiyisa timbilu, Nwina nwentlhe mu langutelako Jehova.

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 42:5

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Hi kota ya kuhanyisa loku ku tako hi le nghoheni yakwe.

Tisimu 43:5

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 62:8

Nwina vanhu, tsumbani yena masiku wontihe; Chululani timbilu ta nwina mahlweni kakwe: Nungungulu hi wuchavelo ga hina. (Sela.)

Tisimu 71:14

Kanilezi mina nzi ta tsumba wontihe masiku, Nzi ta ku dumisa kambe ni kambe.

Tisimu 73:26

A miri wa mina ni mbilu ya mina zi rerekile, Kanilezi Nungungulu hi ribye ga mbilu ya mina, Xiavelo xa mina kala kupinzuka.

Tisimu 84:12

Jehova wa tiyimpi, I katekile a munhu loyi a tsumbako ka wena.

Tisimu 94:19

Laha nzi nga karateka mbilwini, Wena u tangalisile a muhefemulo wa mina.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Mikosi 3:21

Lezo nza zi alakanya mbilwini ya mina, Hikwalaho nzi na ni kutsumba.

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Va le Roma 15:12

Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. Isa. 9:6, 7; 11:1; Kuv. 5:5; 22:16

Deuteronome 18:2

Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.