Mikosi 3:2 - Tshwa Bible

² I nzi fambisile a nzi yisa munyameni, Na ku nga hi kuwonekeleni.

Mikosi 3:2 Mawu Ofanana

Joba 18:18

I ta humeswa kuwonekeleni aya munyameni; A hlongolwa misaveni yontlhe.

Joba 30:26

Laha na nzi rinzela kusasa, a kubiha ku lota ka mina; Ni laha nzi nga rinzela kuwonekela, ku lota munyama.

Isaya 59:9

Hi kota ya lezo a nongameto wu le kule na hina, A kululama a ku hi chikeleli; Hi langutela kuwonekela hi ku ma munyama, Hi cuwukela hlikanhi kanilezi hi famba kuphumeni.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 4:23

Nzi wonile a misava, Yi wa nga hi na xiwumbeko, yi nga hi na nchumu; Nzi cuwuka matilo, ma wa nga hi na kuwonekela.

Mikosi 2:1

Hosi yi khubhunyetisile kuyini a nhanyana wa Zioni hi refuga zanga ya yona! A wudzunzo ga Israeli yi gi reletile hi le hehla, a gi wisa misaveni, A sikwini ga zanga yakwe a nga hlayisangi a xikhegetelo xa mikonzo yakwe. 1 Kro. 28:2; Tis. 132:7

Deuteronome 28:29

u ta hulumetela laha hlikanhini khwatsi hi xikhumu xi hulumetelako lomu munyameni. U nga ta vuvuma tindleleni ta wena. U ta xaniswa ni ku phangiwa wontihe masiku, ni laho ku nga tava kona wa ku ku hlanguta.

Juda 1:13

va hi mabyandlati ma gobhozako ya bimbi, lawa ma pupumako a khuvi ga tingana tabye; va hi tinyeleti ti nzulanzulako, leti ti vekelweko a munyama wo tshisa kala kupinzuka. Isa. 57:20; 2 Ped. 2:17

Juda 1:6

Ni tingelosi leti ti nga kala ku gonga a wuhosi ga tona, ti siya kaya ka tona, yena i ti hlayisile makhotsweni ya pinzukelwa ya munyama kala sikwini ga hombe ga kulamulwa. 2 Ped. 2:4; Kuv. 20:10